03.01.2021 | 10:48

Пандемия туһалаата, көрөөччүбүт элбээтэ

Пандемия туһалаата, көрөөччүбүт элбээтэ
Ааптар: Киин Куорат

Үүнэр көлүөнэ театра Кыайыы 75 сылын Виктор Розов “Өрүү тыыннаахтар” (“Вечно живые”) испэктээгинэн түмүктээтэ. Сэрии алдьархайа дьон иллээх-эйэлээх олоҕун аймаабытын,  инники дьылҕатын түөрэ эргиппитин долгуйа, аймана көрдүбүт. Артыыстар оруолларын оннук итэҕэтиилээхтик оонньоотулар.

Пандемияҕа үлэ тохтооботоҕун, бу кэми айар кэлэктиип туһалаахтык атаарбытын театр уус-уран салайааччыта Алексей Павлов кэпсээтэ:

– Аныгы технологияны туһанан, видеосюжеттары, испэктээктэри, мультипликационнай остуоруйалары оҥорон көрдөрдүбүт. Арассыыйа Култууратын министиэристибэтин “Большой проект” диэн бырайыагар Уильям Шекспир “Ромео уонна Джульетта” драматынан турбут “Таптал баарын тухары” испэктээкпит киирбитэ. Культура.РФ порталга түөрт испэктээкпит көһүннэ. Ол курдук, өрөспүүбүлүкэ, Арассыыйа атын регионнарын үгүс көрөөччүтэ биһиги театрбыт үлэтин сыаналаата. Урут сыанаҕа эрэ тахсар буоллахпытына, пандемияны туһанан, хоһооннорбутун, остуоруйаларбытын, испэктээктэрбитин, уобарастаан эттэххэ,  өрөспүүбүлүкэни биир гына ыһан кэбистибит. Көрөөччүбүт өссө элбээтэ. Социальнай ситимнэргэ дьон махтанан суруйдулар. Онтон биһиги олус үөрдүбүт.

Александр Титигиров, театр сүрүн режиссера:

Виктор Розов “Вечно живые” айымньытын “Летят журавли” диэн киинэнэн билэр буолуохтааххыт. Сыанабыт хаарбах туруктаах буолан, фойебытыгар туруордубут. 16 артыыс оонньуохтааҕын 9 киһилээх оҥордубут. Барыта этэҥҥэ ааста. Санаабыппыт сатанна.

Хаарчаана буолан хомойбутум...

Анастасия Петрова, театр артыыһа, “Өрүү тыыннаахтар” испэктээккэ Вероника оруолун толорооччу:

–Эһэм Эверстов Конон Софронович 1941 сыллаахха сэриигэ барбыта уонна улаханнык бааһыран, 1942 сыллаахха төннөн кэлбитэ. Искра диэн дэриэбинэҕэ бэрэссэдээтэлинэн анаммыта. Сут кэмигэр эһэм элбэх киһини   аччыктааһынтан быыһаабыта. Бу оруолбун кини сырдык кэриэһигэр аныыбын.

Пандемия миэхэ олус ыараханнык ааста. Дьиэҕэ олорорбун сөбүлээбэт киһибин. Хата, төлөпүөҥҥэ мультик, видео таҥан сэргэхсийдибит. Уруккуттан хаһаана сылдьыбыппын оҥордум. Иллэҥ кэммэр уруһуйдуурбун сөбүлүүбүн. Дьиэҕэ олорон гуаһынан, акрилынан кырааскалыырга үөрэнним. Папье-машенан мааска оҥордум. Голливуд артыыстарын үтүктэн, грим көмөтүнэн саҥа уобарастары айдым.

Оҕо сылдьан киэһэ аайы харыйаны көрөн баран сытарым. Онтон сурук суруйан угарым. Сарсыарда турбутум, сакалаат сытар буолара! Оччолорго кэмпиэт, сакалаат соччо дэлэйэ суох, кэмчи кэмэ этэ.

Биирдэ Хаарчаана буолан хомойбуппун өйдүүбүн. Ийэм көстүүммүн илиитинэн тикпитэ. Маскараат куонкуруһугар миэстэлэһэр санаалаах тиийбитим. Сэҥээрэн да көрбөтөхтөрө. Көннөрү хара водолазкалаах, кутурук уонна кулгаах кэппит кыыһы үһүс миэстэ оҥорбуттара.  

Саҥа дьыл күн хара сарсыардаттан ас астыырбын кэтэһэбин. Чугас дьоммун кытта үөрэ-көтө үүнэр үтүө кэми көрсөрбүн долгуйа күүтэбин. 

Ситиһиилээх сыл ааста

Никита Соловьев, театр артыыһа, “Өрүү тыыннаахтар” испэктээккэ Марк оруолун толорооччу:

–Марк омсолоох дьоруой диэбэппин. Кини олох олоруон баҕарар, ол иһин сэриигэ барарыттан куотунна.

Бу сыл айар үлэбэр үтүө түмүктээх буолла. “Олох диэн олох” сериалга Дуолан оруолун толорбутум.  

Кыра сырыттахпына Телепузик буолбуппун өйдүүбүн.  Дьонум билбэккэ, саһархай өҥнөөх таҥастаах кыыс оҥорон кэбиспиттэр. Оҕолор күлүү гыммыттара. 

Үүнэр көлүөнэ театрын артыыстара, “Саҥа дьыл” диэн тылы иһиттэхтэринэ, бары биир киһи курдук, оҕолорго аналлаах утренниктары саныы түһэбит дииллэр. Чахчы даҕаны, урут баччаларга театрга кырачааннар тоҕуоруһаллара, үөрүү-көтүү үксүүрэ. Артыыстар оҕо саастарын санаатылар, Тымныы оҕонньорго сурук суруйалларын, харыйа анныттан бэлэх булан үөрэллэрин кэпсээтилэр.  

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...
Аан дойду 2021 — чемпионката
Спорт | 22.07.2021 | 18:28
Аан дойду 2021 — чемпионката
Бу күннэргэ улаханнык үөрдүбүт Матрена Ноговицынаны кытта 100 харахтаах дуобакка аан дойду чемпионката буолбутунан төлөпүөнүнэн  эҕэрдэлээн интервью ыллым. Матрёна Ноговицына – 1991 с. сэтинньи 6 күнүгэр Чурапчы улууһугар Мугудайга төрөөбүтэ.  64-100 харахтаах дуобаттарга  араас саастаахтарга  аар-саарга кыайыыларын аахпакка, аҥаардас 100 харахтаах дуобакка дьахталларга эрэ ситиһиилэрэ маннык: 2004 сылтан  Арассыыйа дьахталларга...