Пааспары оҥотторуу түргэтиир

СӨ ИДьМ “Дьокуускайдааҕы” МУ Миграцияҕа отдела иһитиннэрэринэн, Арассыыйа гражданинын пааспарын оҥотторуу болдьоҕо уларыйар. 
Билигин пааспары олорор сиргинэн – 10, атын сиртэн 30 хонук иһигэр оҥорторор буоллахха, от ыйын 1-кы күнүттэн пааспары оҥотторуу, докумуону ханна туттарартан тутулуга суох, 5 үлэ күнүн иһинэн буолар. 
Маны тэҥэ, от ыйын 1 күнүттэн медицина көмөтүнэн босхо туһанарга, балыыһаҕа көрдөрүнэргэ булгуччулаах медстраховка (ОМС) полиһа биитэр пааспар эрэ ирдэниэҕэ. Гражданин олорор биитэр кэлбит сиринэн учуокка тустаах муниципальнай оройуон ханнык баҕарар регистрациялыыр уорганыгар туруон сөп буолар.
Маны таһынан от ыйыттан биэнсийэ мунньуллар чааһыгар сыһыаннаах сокуон олоххо киириэҕэ. Өскөтүн биэнсийэ мунньуллар чааһа судаарыстыбаннайа суох биэнсийэ пуондатыттан атыҥҥа сокуоннайа суох көһөрүллүбүт түбэлтэтигэр, болдьоҕун иннинэ көһөрүү иһин туппут инвестиционнай дохуот харчыта суут уурааҕынан гражданнарга төннөрүллүөхтээҕин туһунан саҥа сокуоҥҥа сурулла сылдьар.