Пааркаҕа саҥа арт-оҥоһук турда

Бүгүн Култуура уонна сынньалаҥ пааркатыгар саҥа арт-объект тутулунна.  

Киһи илиитэ быһыылаах айымньыны сыбаарка маастара Михаил Ситов тимиртэн таҥан оҥордо. Маастар бэйэтэ этэринэн, кини тимиртэн сыбаарка көмөтүнэн уран айымньылары айан таһаарыахха сөбүн, тимир туспа тыыннааҕын дакаастыырга дьулуспут. Үлэ ис хоһооно -“Барыта бэйэбит илиибитигэр” , ол иһин илии оҥоһуллубут.

Ааптар  өйөбүллэрин иһин «Artnik» мастарыскыайга уонна дьиэ кэргэнигэр махтанар.

Паарка салалтата эдэр маастарга өссө биир кэрэ көстүүлээх оҥоһук баар буолбутугар махталын тиэрдэр.