14.06.2022 | 11:44

Ойуур кыыллара киһиэхэ тахсаллара элбээтэ

Ойуур кыыллара киһиэхэ тахсаллара элбээтэ
Ааптар: Киин Куорат

Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?

СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада.

Ойуур кыыллара киһи элбэхтэ сылдьар сирдэригэр мээнэ тахсыбаттар, онон дьонноох сиртэн ыраатымаҥ. Бөх-сыыс, ас тобоҕо быраҕыллар сирдэригэр адьырҕалар баар буолуохтарын сөп, маннык сирдэргэ кинилэр аччыктаан, ас көрдөөн кэлэллэр, ону-маны булан сии сылдьан астарыттан көҥөнөн киһиэхэ саба түһүөхтэрин сөп.

Улахан музыка, бэйэ-бэйэни кыта кэпсэтии, тыас-уус кыыллары куттуур, тэскилээн биэриэхтэрин эмиэ сөп.

Адьырҕа кыыллары уун утары көрсө түстэххитинэ атахха биллэрэргэ ыксаамаҥ. Киниттэн улахаҥҥытын көрдөрө сатааҥ – тас таҥаскытын өрө анньан, икки илиигитин үөһээ тутан улахан уҥуохтаах буолан көстүҥ. Хаһыытаан, улаханнык саҥа таһааран куттуоххутун сөп, кыылга кэннинэн буолбакка аргыыйдык тэйиҥ.

Саамай кутталлаах көрсүһүү – эһэ оҕолорун кытта көрсүү буолар. Тоҕо диэтэххэ, аттыларыгар хайаан да ийэлэрэ сылдьар. Оҕолорун саҥатын иһиттэ да, ийэ эһэ киһиэхэ саба түһэр кыахтаах.

Массыына суолугар кыыллары көрүстэххитинэ илиигитинэн тута, имэрийэ сатаамаҥ, аһатымаҥ!

Быыһыыр сулууспа биир кэлим төлөпүөнэ: 112,

СӨ Быыһыыр сулууспатын дьуһууруунайдарын төлөпүөнэ: (4112) 45-90-19.

Сонуннар

Ордук ааҕаллар

Биир хоһоон дьылҕата
Дьон | 24.09.2022 | 10:00
Биир хоһоон дьылҕата
Түөрт талаан сүдү кыайыыта
Санкция, бизнес уонна барыс
Сонуннар | 24.09.2022 | 14:00
Санкция, бизнес уонна барыс
Ханнык баҕарар кризис, санкция дьоҕус бизнескэ охсууну оҥороллор уонна... саҥа кыахтары арыйаллар. Билиҥҥи кэмҥэ бизнес ханнык салаата ордук барыстааҕый? Чуолаан Саха сиригэр? Ол туһунан аан дойду ырыынагын көрөн-истэн баран, саҥа саҕалааччыларга туһалаах буоллун диэн сырдатабыт.
Октябрьскай уокурукка саҥа тиэргэн территорияларын арыйдылар
Сонуннар | 28.09.2022 | 14:00
Октябрьскай уокурукка саҥа тиэргэн территорияларын арыйдылар
Саха сирин Судаарыстыбаннаһын күнүгэр өрөспүүбүлүкэ киин куоратын Каландаришвили уул., 1 уонна Ленин проспега, 46 аадырыстарга спортивнай балаһааккалаах саҥа тиэргэн территорияларын арыйдылар диэн иһитиннэрдэ Олохтоох дьаһалта пресс-сулууспата.
Дьокуускайга аҕалар бастакы слеттара ыытылынна
Сонуннар | 27.09.2022 | 16:00
Дьокуускайга аҕалар бастакы слеттара ыытылынна
Балаҕан ыйын 24 күнүгэр «Yрдэл» пааркаҕа «Ответственный отец – основа крепкой семьи» диэн Дьокуускай куорат аҕаларын бастакы слеттара ыытылынна. Бу туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениета иһитиннэрдэ.