08.07.2021 | 18:00

Ойуур баһаарынан сибээстээн 14 оройуоҥҥа уустук быһыы-майгы оннунан хаалар

Ойуур баһаарынан сибээстээн 14 оройуоҥҥа уустук быһыы-майгы оннунан хаалар
Ааптар: Киин Куорат

Ойууру харабыллыыр авиация суһал дааннайдарынан, регион территориятыгар 271 ойуур баһаара баар, суукка иһигэр 14 умуруорулунна, онно 2 772 киһи уонна 330 тиэхиньикэ үлэлээтэ. СӨ ЫБММ Кылаабынай управлениета сүрүн күүһүн нэһилиэнньэни ойуур баһаарыттан көмүскүүргэ уурар.  Горнай, Мэҥэ-Хаҥалас, Уус-Майа, Таатта уонна Томпо оройуоннарыгар РФ ЫББМ специалистара үлэлииллэр. Уус-Майа оройуонугар биэдэмэстибэ авиацията сууккаҕа 5 төгүл  туттулунна уонна 15 туонна уу кутулунна. 
 Ойуур баһаарынан сибээстээн Алдан, Горнай, Эдьигээн, Кэбээйи, Мирнэй, Муома, Нерюнгри, Ньурба, Өлүөхүмэ, Өймөкөөн, Уус-Майа, Томпо, Хаҥалас уонна Сунтаар оройуоннарыгар уустук быһыы-майгы оннунан хаалар. Ити этиллибит улуустарга 734 тыһыынчаттан тахса гектар сиргэ ойуур баһаарын 234 көрдүгэнэ баар. Кылаабынай управление ураты хонтуруолугар 5 нэһилиэнньэлээх пуун – Күөрэлээх, Эльдикан, Ударник, Тараҕай Бэс уонна Улахан Аан бааллар. Нэһилиэнньэни көмүскүүргэ Кылаабынай управление 20 киһилээх аэромобильнай бөлөҕө бэлэм турукка сылдьар. 
 «Суукка иһигэр ойуур баһаарын ахсаана 7 көрдүгэнинэн элбээтэ, урукку баһаар кэҥээн уонна этиҥтэн сылтаан иэнэ 132 гектартан ордук улаатта. 9 оройуон территориятыгар баһаартан куттал 4-5 кылааһа оннунан хаалар. Аэромобильнай бөлөхтөр Горнай, Томпо, Уус-Майа уонна Мэҥэ-Хаҥалас оройуоннарыгар үлэлэрин салҕыыллар. РФ ЫББМ авиацията Уус-Майа оройуонугар үлэлиирэ былааннанан турар. РФ оборонаҕа Министиэристибэтин икки салгын суудуната Ленскэй уонна Өлүөхүмэ оройуоннарыгар бардылар», - диэтэ ЫБММ Кылаабынай управлениетын начаалынньыга Павел Гарин.
Нэһилиэнньэлээх пууннарга буруону кээмэйдиир үлэ барар турар. Ол курдук, Саха сиринээҕи Роспотребнадзор Управлениета уонна Дьокуускайдааҕы күнү-дьылы кэтээн көрөр Управление салгыҥҥа химическэй эттиктэр таһымнарын хонтуруоллууллар. Суукка иһигэр 9 оройуон территориятыгар салгын 43 боруобата оҥоһуллубут.

Сонуннар

Ордук ааҕаллар

«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Манчыык куһу иитии кистэлэҥнэрэ
Дьон | 05.05.2022 | 17:00
Манчыык куһу иитии кистэлэҥнэрэ
Кус сезона саҕаланан, булчуттар халлааны кыҥыы сылдьар буоллулар. Дьиэ ис-тас үлэтин үмүрүтэ охсор, бултуу барарга дьиҥнээх көҥүл ылаары, кэрэ аҥаардарын иннигэр-кэннигэр илэмэ-салама түһэр уоттаах-күөстээх күннэрэ үүннүлэр.   Саха сиригэр былырыыҥҥыттан тыыннаах манчыык кустаах бултуур муода кэллэ. Дьиҥэ, нуучча сиригэр бу балачча тарҕаммыт ньыма эбит. Тыыннаах кустаах бултуур быдан астыгын, булт өлгөм...
«Александр Самсонов – Улуу Кыайыы ырыаһыта»
Сонуннар | 06.05.2022 | 18:00
«Александр Самсонов – Улуу Кыайыы ырыаһыта»
Ыам ыйын 12 күнүгэр 15.00 чаастан, Саха сирин норуоттарын муусукатын уонна фольклорун музейыгар, Улуу Кыайыы күнүгэр анаммыт «Александр Самсонов – Улуу Кыайыы ырыаһыта»  быыстапка аһыллыыта буолар. Үөрүүлээх тэрээһиҥҥэ РФ үтүөлээх артыыһа, Саха АССР норуодунай артыыһа, Дьокуускай куорат Бочуоттаах гражданина Александр Парфеньевич Самсонов бэйэтэ кыттар. Дьоро киэһэни «Туймаада» Судаарыстыбаннай вокальнай ансаамбыл...