Ойуур баһаарынан 11 киһи ыстарааптанна

Буолаары турар өрөбүллэргэ куорат нэһилиэнньэтэ маассабай сынньанар сирдэригэр ИДьМ, ГОЧС, ЫБМ уонна лесничество эриэйдэлэрэ ыытыллыахтара. 
Куорат территориятыгар баһаартан сэрэхтээх буолуу сезона саҕаланыаҕыттан 11 киһиэхэ административнай буруйу оҥоруу иһин ыстараап туһунан боротокуол толоруллубут, балтараа тыһыынча кэриҥэ инструктаж ыытыллыбыт.
Куорат баһылыгын солбуйааччы Егор Кардашевскай иһитиннэрбитинэн, быйыл куорат территориятыгар 9 ойуур баһаара бэлиэтэммит уонна, эрдэ булуллан, кэмигэр тохтотуллубут. 
Бэлиэтээн эттэххэ, от ыйын 3 күнүттэн Дьокуускай куоракка уонна куорат таһынааҕы территорияларга ойуур баһаарыттан ураты сэрэхтээх буолуу режимэ биллэриллэн, ойуурга сатыы, тиэхиньикэнэн тахсыы, кутаа оттуу, мангал туһаныы, өртүүһүн барыта кытаанахтык бобуллар.