17.08.2021 | 13:00

Ойуур баһаардарынан уустук балаһыанньа үөрэх дьыла саҕаланыытыгар мэһэйдээбэт

Ойуур баһаардарынан уустук балаһыанньа үөрэх дьыла саҕаланыытыгар мэһэйдээбэт
Ааптар: Киин Куорат

Ойуур баһаардарынан уустук балаһыанньа үөрэх дьыла саҕаланыытыгар мэһэйдээбэтин туһунан нэһилиэнньэҕэ туһаайан этиитигэр регион баһылыга Айсен Николаев иһитиннэрдэ. 
«Ойуур баһаардарынан уустук быһыы-майгы үөрэх дьыла саҕаланыытыгар мэһэйдээбэт. Өрөспүүбүлүкэ оскуолалара балаҕан ыйын 1 күнүгэр бэлэмнэниилэрэ былаан быһыытынан барар. Ити сорук бары эпидемиологическай ирдэбиллэри тутуһан толоруллуоҕа», – диэтэ Ил Дархан.
Итини таһынан, кини кураан сайын тыа хаһаайыстыбатыгар уонна оттооһуҥҥа охсуулаах буолбутун бэлиэтээтэ. 
«Ити баһаары умуруорартан итэҕэһэ суох кыһалҕа. Бырабыыталыстыба иннигэр баһаартан эмсэҕэлээбит дьоҥҥо ынах сүөһүлэрин уонна хаһаайыстыбаларын оннунан хаалларалларыгар хайа сатанарынан көмөлөһөр сорук турар. Үлэ барар, тыа сирин олохтоохторун кыһалҕалара быһаарыллыаҕа», – диэн эттэ Айсен Николаев.
Баһаарга дьиэлэрэ былдьаммыт Бэс-Күөл сэлиэнньэтин олохтоохторо быйыл алтынньы 15 күнүгэр диэри саҥа, толору хааччыллыылаах дьиэлэргэ киириэхтэрэ. 
Итини таһынан, Бэс-Күөл сэлиэнньэтин оҕолоро «Артек», «Орленок» уонна «Океан» лааҕырдарга сынньаныахтара, оттон хроническай ыарыылаах олохтоохторо Арассыыйа санаторийдарыгар  баран доруобуйаларын көннөстүөхтэрэ. 
Айсен Николаев бэлиэтээбитинэн, Арассыыйа президенэ Владимир Путин сэлиэнньэ социальнай инфраструктуратын тупсарар туһунан этиини өйөөбүт.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...