Ойуур баһаара элбээбит

Ойууру харыстыыр авиация сулууспата биллэрбитинэн, СӨ үрдүнэн ааспыт сууккаҕа 27 ойуур баһаара регистрацияланна, уопсайа 451,2 га сири ылла. Амма, Үөһээ Бүлүү, Горнай, Ньурба, Сунтаар, Уус-Алдан, Уус-Майа оройуоннарыгар 15 ойуур баһаара бэлиэтэннэ. 

Баһаары умуруорууга сууккаҕа 444 киһи, 64 тиэхиньикэ, 74 киһилээх 21 патрульнай-хонтуруоллуур бөлөх үлэлээтэ. Патрульнай-хонтуруоллуур бөлөх үлэтин түмүгэр сокуону кэһиигэ 3 административнай боротокуол толорулунна. Баһаартан сэрэхтээх буолуу быраабылаларын ойуурга, ойуур пуондатын сирдэригэр уо.д.а. хаттыгас сирдэргэ кэһии иһин 48 боротокуол оҥоһулунна. 
«Суукка иһигэр 2 саҥа ойуур баһаара таҕыста, 12 умуруолунна. Баһаар 10 көрдүгэнэ көҕүрээтэ, онон 111,2 гектар сиринэн аҕыйаата. Кылаабынай управление сүрүн күүһүн нэһилиэнньэҕэ куттал суох буолуутугар туһаайар. Баһаартан сэрэхтээх буолуу ураты эрэсиимэ Өймөкөөн, Томпо, Таатта, Ньурба оройуоннарыгар  киирэн турар», – диир Арассыыйа ЫБММ Саха сиринээҕи Кылаабынай салаатын начаалынньыга Павел Гарин.