Оттук сезонугар бэлэмнэнии былаан быһыытынан баран иһэр

От ыйын 21 күнүгэр куорат баһылыгын хаһаайыстыба боппуруостарыгар солбуйааччы Егор Кардашевскай оттук сезонугар бэлэмнэнии штабын мунньаҕын ыыппыта. Бэлиэтээн эттэххэ, үлэ бэс ыйын 2 күнүттэн саҕаламмыта.
От ыйын 21 күнүнээҕи туругунан куорат ОДьКХ оттук сезонугар 55% бэлэм диэн иһитиннэрдилэр. Ол курдук, куорат үрдүнэн уопсайа 76 хочуолунай баарыттан 33 хочуолунайга өрөмүөн былааннанарыттан 8-гар түмүктэммит. 
Ититэр систиэмэни ыраастааһын үлэтэ былааннаммыт 2658 элбэх кыбартыыралаах дьиэттэн 1778-гар ыытыллан, былаан 66,9 % туолбут. Киин ититэр систиэмэ ревизията былааннаммыт 2162 элбэх кыбартыыралаах олорор дьиэттэн 1262-гэр ыытыллан, былаан туолуута 58,3% тэҥнэспит. Элеватор өрөмүөнэ былааннаммыт 480 дьиэттэн 322-гэр ыытыллан, былаан туолуута 67% тэҥнэспит.
СЭГХ МКУ иһитиннэриитинэн, 94 элбэх кыбартыыралаах дьиэҕэ хапытаалынай өрөмүөн ыытыллыахтаах, ол иһигэр 63 дьиэ ититэр систиэмэтэ саҥардыллыахтаах. Бу күннэргэ итии, тымныы уу сүүрэр турбаларын, итии бэриллэр ситимнэрин ыраастааһын үлэтэ бара турар.
Мунньах түмүгүнэн Егор Кардашевскай балаҕан ыйын 1 күнүгэр диэри бэлэмнэнии үлэтин түмүктээн, кыстыкка киириини хааччыйарга сорудахтаата.