07.05.2021 | 17:03

Оттук сезона түмүктэнэрэ чугаһаата

Оттук сезона түмүктэнэрэ чугаһаата
Ааптар: Киин Куорат
Бөлөххө киир

Дьокуускай куорат дьаһалтата иһитиннэрбитинэн, тэрилтэлэргэ уонна олорор дьиэлэргэ киин ититиини халлаан 5 күн устата 8 кыраадыстан үөһэ сылаас турдаҕына, ыам ыйын 20 күнүн аһарбакка араарыахтара.  

Кэнники күннэргэ халлаан лаппа сылыйан, куорат олохтоохторо дьиэлэрэ итийбитин иһин ититиини кыччаттара сатыыллар. 
«Өр сыллаах кэтээн көрүүнэн, Дьокуускай куоракка оттук сезона ыам ыйын 15 күнүн кэннэ тохтуур. Сыл аайы халлаан туруга уларыйа турар. Ол иһин ити күн диэки ититии хаһан арахсара быһаарыллыаҕа», – диэтэ куорат баһылыгын бастакы солбуйааччы Роман Сорокин. 
Билиҥҥи нормативтарга олоҕуран, ититии бэриллиитэ үөһэ этиллибитин курдук, халлаан 5 күн (түүн-күнүс)  устата 8 кыраадыстан үөһэ сылаас турдаҕына биирдэ араарыллар.   
«Ититии кыраадыһын билигин хайдах да намтатар кыахпыт суох. Сорох элбэх кыбартыыралаах дьиэлэргэ туспа ититии пууннара бааллар, онно олохтоохтор тутталларыгар анаан итии уу бэлэмнэнэр. Онон ититии систиэмэтэ тустаах температураны тутан туруохтаах», – диэн быһаарда Роман Сорокин.
Дьиэлэр конструкциялара араас-араас, сорох дьиэлэргэ тымныы буолуон сөп. Онон ититиини эрдэ араардахха, сорох дьиэлэр тымныйбыттарын туһунан үҥсүүлэр киириэхтэрин сөп.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...