02.07.2021 | 19:30

От ыйын 2 күнэ – Өлүөнэ эбэ Күнэ

От ыйын 2 күнэ – Өлүөнэ эбэ Күнэ
Ааптар: Киин Куорат
Бөлөххө киир

Бүгүн Саха сиригэр Өлүөнэ эбэ Күнэ. Бу бырааһынньык 2013 сылтан бэлиэтэнэр. 
Өрөспүүбүлүкэ салалтатын уонна тус бэйэтин аатыттан Ил Дархан Айсен Николаев Өлүөнэ эбэ Күнүнэн эҕэрдэтин тириэртэ.  Кини эбэбит Саха сирин олохтоохторугар тыын суолталаах хорук тымырынан буоларын бэлиэтээтэ. 
«Эбэ уута Дьокуускай куораты уонна өрөспүүбүлүкэ атын нэһилиэнньэлээх пууннарын хааччыйар.  Өлүөнэ эбэнэн региоҥҥа улахан суолталаах таһаҕастары, ол иһигэр оттугу, тутуу матырыйаалын аҕалаллар. Кини баар буолан ыраах хотугу, арктика оройуоннарыгар тыын суолталаах таһаҕас барар», - диэн бэлиэтиир Айсен Николаев.
Кини Өлүөнэ эбэ Күнэ өрүспүт ураты айылҕатын эбийиэктэрин харыстааһыҥҥа болҕомтону тардар, кини уобараһын национальнай бренд быһыытынан өрө тутар, региоҥҥа экологическай туризмы сайыннарар сыаллаах олохтоммутун санатта. 
Өлүөнэ эбэ Байкаал сис хайатын арҕаа өттүттэн, Байкаал күөлүттэн 10 км тэйиччи сиртэн саҕаланан Иркутскай уобалаһынан уонна Саха сиринэн ааһар. Киниэхэ Алдан, Витим, Бүлүү, Өлүөхүмэ өрүстэр уулара түһэр. Өлүөнэ бүтэр уһукка Хотугу Муустаах акыйаан Лаптевтар муораларыгар тиийэр. Эбэ уһуна 4400 км., уопсай иэнэ – 2 490 000 кв. км. 
Ил Дархан бу күн араас экологическай тэрээһиннэр буолалларын эттэ. 
Онлайн-балаһааккаларга «Река Лена в необычном ракурсе» хаартыска күрэҕэ, «Лена — голубой меридиан Сибири» викторина, «Пусть на земле не умирают реки!» лекция, Instagram платформатыгар Өлүөнэ эбэ устун видео-экскурсия, «Красавица Лена» куукуланан туруоруу, «Чистая Лена» челлендж былааннаммыттар.
«Итини таһынан, Өлүөнэ эбэ Күнүгэр өрөспүүбүлүкэтээҕи предпринимательство, атыы-эргиэн уонна туризм министиэристибэтэ Табаҕа тумулугар үгэс буолбут субуотунньугу, „Водоканал“ АУо „Ыраас биэрэк“ аахсыйа чэрчитинэн Өлүөнэ эбэ территориятыгар уу оботторор уонна уу ыраастыыр тутуулар тастарыгар субуотунньугу тэрийэллэр», - диэн баһылык эттэ.
Айсен Николаев Саха сирин олохтоохторун Өлүөнэ эбэ Күнүгэр анаммыт экологическай тэрээһиннэргэ көхтөөхтүк кытталларыгар ыҥырда.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...