От ыйын 1 күнүттэн социальнай төлөбүрдэр «Мир» каартаҕа эрэ түһүөхтэрэ

Ый ахсын ийэ хапытаалыттан кэлэр харчы, биэнсийэ уонна онтон да атын социальнай төлөбүрдэр от ыйын 1 күнүттэн национальнай төлүүр систиэмэ «Мир» каартатыгар эрэ түһэр буолаллар. 
Ол эрэн биэнсийэлээхтэргэ биэнсийэлэрин атын көрүҥүнэн ылыы оннунан хаалар. Кинилэр биэнсийэлэрин каартаҕа сыһыарыллыбатах счеттарыгар түһэртэриэхтэрин эбэтэр уу харчынан уонна почта нөҥүө ылыахтарын сөп.  
Бу иннинэ пандемиянан уонна аҕам саастаах дьон дьиэлэригэр хааччахтанан олороллорунан сибээстээн «Мир» каартаҕа булгуччулаах көһөрүү тохтотулла сылдьыбыта.  
ЦБ дааннайдарынан, ити каартаҕа номнуо 96% тахса биэнсийэлээх көспүт эбит. Эпидемиологическэй туругунан сибээстээн, инники баттаһан ылбатах дьон каарталарын дьиэлэригэр аҕалтарыахтарын сөп диэн сүбэлииллэр.