23.08.2022 | 16:00 | Просмотров: 683

Оскуоланы 100 бааллаах бүтэрбиттэр Арассыыйа бастыҥ кыһаларыгар киирдилэр

Быйыл биир кэлим эксээмэни 100 баалга 23 оскуоланы бүтэрээччи туттарда. Итинтэн 8 – нуучча литературатыгар, 7 – нуучча тылыгар, 3 – математикаҕа, 3 – химияҕа, 2 – информатикаҕа уонна инфокоммуникационнай технологияларга диэн СӨ баһылыгын уонна бырабыыталыстыбатын пресс-сулууспата иһитиннэрдэ.
Ааптар: Киин Куорат
Бөлөххө киир

Уус Маайа улууһун Эльдикан орто оскуолатын үөрэнээччитэ, нуучча литературатыгар уонна тылыгар 100 баалы ылбыт Виталий Красиков Арассыыйа маҥнайгы бэрэсидьиэнэ Б.Н. Ельцин аатынан Ураллааҕы федеральнай университет суруналыыстыка факультетыгар киирдэ. Н.А. Алексеева Техническэй лицейын үөрэнээччитэ, профильнай таһымнаах математиканы уонна химияны  100 баалга туттарбыт Назар Павлов М.В. Ломоносов аатынан Москватааҕы судаарыстыбаннай университет химическэй факультетын талла.

Иккилии оҕо Санкт-Петербурдааҕы судаарыстыбаннай университет математико-механический факультетыгар уонна М.К. Аммосов аатынан Хотугулуу-Илиҥҥи  федеральнай университет тас дойду тылларыгар үөрэҕин уонна  регионнарын үөрэтии институтугар, итиэннэ Медицина институтугар, өссө икки оҕо – РФ Бэрэсидьиэнин Норуот хаһаайыстыбатын уонна судаарыстыбаннай сулууспатын академиятыгар киирбиттэр. 

Итини таһынан, сүүс бааллаах оҕолор Москва, Санкт-Петербург, Новосибирскай, Орел куораттар бастыҥ үрдүк үөрэх кыһаларыгар киирдилэр.

Манна даҕатан эттэххэ, өрөспүүбүлүкэбит  100 сыллаах үбүлүөйүнэн Ил Дархан Айсен Николаев биир эксээмэни 100 баалга туттарыы иһин 100 тыһыынча солкуобай кээмэйдээх төлөбүрү олохтообута.

Сонуннар

06.11.2026 | 19:00
Бэлэх

Ордук ааҕаллар

Убаһа этэ туох кутталлааҕый?
Сытыы муннук | 05.11.2026 | 13:00
Убаһа этэ туох кутталлааҕый?
Идэһэ сезона саҕаланна. Убаһа этэ атыыга таҕыста. Ылан тоҥнуу сиэри салбанан олорооччу элбэх буолуохтаах...
Ытык Күөлгэ Байанай ыйа муҥхаттан саҕаланна
Дьон | 01.11.2026 | 21:07
Ытык Күөлгэ Байанай ыйа муҥхаттан саҕаланна
Өбүгэ үгэһэ салҕанар.
Блиныны арааһыттан боруобалыахха
Сонуннар | 03.11.2026 | 16:00
Блиныны арааһыттан боруобалыахха
Оччотугар хайата ордугун быһаарыахпыт.