Оскуолалар 1-8 кылаастара дистанционнай көрүҥҥэ көстүлэр
Роспотребнадзор управлениетын сүбэтинэн, киин куорат уокуругар грипп уонна ОРВИ ахсаана элбээбитинэн, санитарнай-эпидемияны утары хамыыһыйа быһаарыытынан сэтинньи 28 күнүттэн ахсынньы 8 күнүгэр диэри, Дьокуускай оскуолаларыгар уонна эбии үөрэхтээһин тэрилтэлэригэр 1-8 кылаастар дистанционнай көрүҥүнэн үөрэнэнэллэр.
Хааччахтааһын кэмигэр, куорат уокуругун территориятыгар 1-8 кылаас үөрэнээччилэрэ кыттыылаах бары спортивнай уонна култуурунай-маассабай тэрээһиннэр тохтууллар.
Дьокуускай куорат санитарнай-эпидемияны утары хамыыһыйата элбэх киһи тоҕуоруһар миэстэлэригэр медицинскэй маасканы кэтэ сылдьарга уонна социальнай дистанцияны тутуһарга сүбэлиир. Төрөппүттэр оҕолоро уопсастыбаннай миэстэлэргэ, ол иһигэр киинэ тыйаатырдарыгар, маҕаһыыннарга, уопсастыбаннай ас-үөл тэрилтэлэригэр сылдьалларын хааччахтыыллара ирдэнэр.
Сонуннар
Ордук ааҕаллар
