30.01.2020 | 09:50

Оскуола оҕото 125 ТЫҺ. СОЛК. ылар кыахтаах

Оскуола оҕото 125 ТЫҺ. СОЛК. ылар кыахтаах
Ааптар: Киин Куорат
Бөлөххө киир

Бары билэрбит курдук, сыыппара эйгэтэ олохпутугар балысханнык  киирэн эрэр. Тохсунньу 3 күнүттэн Арассыыйа бырабыыталыстыбата оскуола үөрэнээччилэригэр «Математика”, “Информатика”, «Цифровой технология» диэн хайысхаларга Грант олохтоото.

125 тыһ. солк. кээмэйдээх Грант хаһаайынынан 18-гар диэри саастаах оскуола үөрэнээччитэ буолуон сөп. Маныаха киниттэн үөрэххэ ситиһиилэрин бигэргэтэр дипломнара, сертификаттара ирдэнэр. Ол эбэтэр олимпиадалар кыайыылаахтара, призердара, өй күрэстэрин кыттыылаахтара киирсэллэр. Үөрэнээччи үөһээ ааттаммыт предметтэр чэрчилэринэн научнай-чинчийэр үлэнэн дьарыктанара эмиэ учуоттанар.

Быйыл, 2020 сылга, бу Граны Арассыыйа үрдүнэн 850 үөрэнээччи ылыан сөп. Ол туһунан сиһилии e-yakutia.ru уонна www.gosuslugi.ru порталларга билсиэххэ сөп. Чуолаан, Грант «Кадры для цифровой экономики» диэн федеральнай бырайыак иһинэн “Цифровая экономика Российской Федерации” бырагыраамаҕа олохтонно.

Эйигиттэн туох ирдэнэрий?

  1. Үөһээ ыйыллыбыт предметтэргэ үрдүк баалга эппиэттэһии;
  2. Сыыппара эйгэтинэн Арассыыйа экономикатын салааларыгар үлэлиир кыаҕы дакаастааһын;
  3. Судаарыстыба бүддьүөтүттэн үбүлэнэр оскуолаҕа үөрэнии;
  4. Арассыыйа гражданина буолуу.

Грант усулуобуйатын туһунан иһитиннэрэр эбээһинэс регионнар үөрэххэ уонна наукаҕа министиэристибэлэригэр сүктэриллэр.  

 

ГРАҤҤА КЫТТЫЫ ТУГУ БИЭРЭРИЙ?

Грант хаһаайына быһалыы дойду информационнай эйгэтин былаанын испииһэгэр учуоттанар. Ол эбэтэр үөрэххэ киирэригэр, үлэ буларыгар чэпчэтии курдук буолар.

САЙААПКАНЫ ТҮҺЭРИИ Үөрэнээччи сайаапкатын бэс ыйын 10 күнүттэн алтынньы 10 күнүгэр диэри  судаарстыбаннай портал нөҥүө “Мое образование” салааҕа түһэрэр. Сайабалыанньа уонна туоһулуур докумуоннар сканируйдаммыт буолуохтаахтар.  Маны сэргэ бу курдук докумуоннар наадалар: Оҕо оскуолаҕа үөрэнэрин туһунан ыспараапка; Ситиһии көрүҥэр сертификаттар, Махтал суруктар эмиэ киирсэллэр; Баан каартатын расчетнай счетун нүөмэрэ; Сокуоннай бэрэстэбиитэл электроннай илии баттааһына.

ГРАНТ ИРДЭБИЛЛЭРЭ

Уопсайа үс улахан ирдэбил турар:

А – “Ранговое место». Бу аата үрдүк көрдөрүүлээх оҕо ситиһиитэ. Маннык ситиһиилээх оҕо рейтинэ эмиэ улаатар.

Б – Үрдүк үктэл. Норуоттар икки ардыларынааҕы уонна Арассыйатааҕы тэрээһиннэргэ ситиһиилээх оҕо.

Бастакы үктэл – Арассыйатааҕы уонна регионнар икки ардыларынааҕы ситиһиилээх оҕо;

Иккис үктэл – регионнаааҕы улахан ситиһии;

Үһүс үктэл – оскуола иһинээҕи тэрээһин.

В – наунай-чинчийэр үлэ чэрчитинэн эбии чинчийии, ону дакаастыыр докумуон ирдэниэн сөп.

Манна барытыгар сөп түбэһэр оҕо Граҥҥа тиксэр кыахтаах. Арассыыйа үөрэҕин министиэристибэтэ сэтинньи 1 күнүгэр уопсай түмүгү таһаарар. Кыайыылаах оҕо төрөппүтэ эбэтэр сокуоннай бэрэстэбиитэлэ Арассыыйа үпкэ министиэристибэтин кытта дуогабар баттаһар. Бу дуогабар эмиэ судаарыстыбаннай өҥө порталыгар баар буолуоҕа. Дуогабар «Электронный бюджет» диэн салааҕа толоруллар.

Докумуоннары барытын тиксэрбэтэх эбэтэр сыыһа-халты толорбут буоллаххына, Грант ананымыан сөп. Онон кыһамньылаахтык уонна болҕомтолоохтук толоруу эрэйиллэр.

Грант кыайыылаах сокуоннай бэрэстэбиитэлигэр каартаҕа толору кээмэйинэн кэлэн түһэр. Икки сыл буолан, бу оҕо хаттаан кыттар бырааптаах. Кыайыылаах дипломунан, анал сертификатынан наҕараадаланар. Граны кыайыылаах бэйэтэ билэринэн ороскуоттуур.

МҮРҮЛЭР ХОЛОБУРДАРА

Ый анараа өттүгэр Уус Алдаҥҥа баар В.В. Алексеев аатынан Мүрүтээҕи Уолаттар гимназиялара Арассыыйа Үөрэҕин министиэристибэтин Гранын ылан турар.

Оскуола «Развитие и распространение лучшего опыта в сфере формирования цифровых навыков образовательных организаций, осуществляющих образовательную деятельность по общеобразовательным программам, имеющих лучшие результаты в преподавании предметных областей «Математика», «Информатика» и «Технология» диэн хайысхаҕа Грант хаһаайына буолары ситистэ.

Бэлиэтээн суруйдахха, Арассыыйа үрдүнэн бу хайысхаҕа 47 кыайыылаах тахсыбыта. Грант 5 мөл. солк. тахса кээмэйдээх. «Грант харчыта робототехникаҕа, нейротехнологияҕа, VR уонна AR тэриллэрин атыылаһарга туһаҕа тахсыаҕа. Маны таһынан учууталлар Арассыыйа, аан дойду таһымнаах стажировкаларга сылдьалларыгар, уопуттарын тарҕаталларыгар туһаныахпыт», — диэн гимназия дириэктэрэ Федор Татаринов иһитиннэрэн ту

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...