28.09.2021 | 14:57

Оскуола иннинээҕи үөрэхтээһин үлэһиттэрэ идэлээх бырааһынньыктарын бэлиэтээтилэр

Оскуола иннинээҕи үөрэхтээһин үлэһиттэрэ идэлээх бырааһынньыктарын бэлиэтээтилэр
Ааптар: Киин Куорат

Балаҕан ыйын 27 күнүгэр иитээччи Күнэ бэлиэтэннэ. Хас биирдии оҕо уһуйаантан саҕалаан тэҥ саастыылаахтарын уонна улахан дьону кытта алтыһарга үөрэнэр, бастакы билиини уонна сатабылы ылар, бары өттүнэн сайдар. 
Дьокуускай куораттааҕы Дума пресс-сулууспата иһитиннэрбитинэн, бүгүҥҥү туругунан өрөспүүбүлүкэ 735 уһуйааныгар 72 тыһыынчаттан тахса кыра уонна оскуолаҕа киириэн иннинээҕи саастаах оҕо дьарыктанар. Дьокуускай куорат 63 муниципальнай уһуйааннарыгар 20 тыһыынча кэриҥэ, 43 чааһынай уһуйааҥҥа 3500 тахса оҕо сылдьар. 
Балаҕан ыйын 27 күнүгэр оҕо айымньытын Дыбарыаһыгар "С любовью в сердце, дорогою добра" диэн иитээччи Күнүгэр анаммыт үөрүүлээх тэрээһин буолла. Үөрэҕирии уонна наука миниистирэ Михаил Сивцев бэлиэтээбитинэн, сахалыы көрүҥнээх быраактыкалар регионнааҕы бырагыраамалары кытта ситиһиилээхтик холбоһон, оҕолор оонньуу көрүҥүнэн сайдалларыгар төһүү күүһүнэн буолаллар, оҕолорго чаҕылхай оҕо сааһы бэлэхтииллэр. 
Өрөспүүбүлүкэтээҕи оҕо уһуйааннара – элбэх норуоттар икки ардыларынааҕы, федеральнай, өрөспүүбүлүкэтээҕи бырайыактар уонна балаһааккалар көхтөөх кыттааччылара, холобур: «Одаренный ребенок», «Дети Арктики. Дошкольное образование», «От Фребеля до Робота», «Экономическое воспитание дошкольников: формирование предпосылок финансовой грамотности» уо.д.а.         


"Куораттааҕы оскуола иннинээҕи үөрэхтээһин тэрилтэлэрин үлэһиттэрэ оҕолору иитиигэ уонна бары өттүнэн сайыннарыыга үчүгэй усулуобуйалары тэрийэллэр, үлэлэригэр үөрэҕирии саҥа педагогическай уонна информационнай технологияларын ситиһиилээхтик тутталлар, араас куонкурустарга кытталлар, оҕолору робототехника уонна инженерия куруһуоктарыгар үөрэтэллэр.  
Балаҕан ыйын 8 күнүгэр өрөспүүбүлүкэ Баһылыга Дьокуускай куорат сайдыытын сүрүн хайысхаларын туһунан Ыйаахха илии баттаата. Итиннэ сүрүн оруоллартан биирдэстэрэ социальнай инфраструктураҕа бэрилиннэ. Инники биэс сыл иһигэр саҥа оскуолалары уонна уһуйааннары тутуу былааннаммыт, 19 уһуйааҥҥа 5 тыһыынча саҥа миэстэлэри таһаарыахтаахпыт", – диэн иһитиннэрдэ үөрэҕирии Управлениетын начаалынньыга  Алексей Семенов.
Киин куоракка нэһилиэнньэ ахсаана тэтимнээхтик улаатар, ол иһин оҕо уһуйааннара ирдэнэллэр. "Билиҥҥи кэмҥэ оскуола иннинээҕи үөрэхтээһин тэрилтэлэригэр киирэргэ уочараты аҕыйатааһыҥҥа былааннаммыт үлэ ыытыллар. Ити боппуруос сүрүн соруктар ахсааннарыгар киирэр. Быйыл куорат үрдүнэн саҥа спорт уонна оҕо балаһааккалара, тупсаран оҥоруу эбийиэктэрэ үлэҕэ киирэллэр, уһуйааннар уонна оскуолалар тутуллаллар", – диэн бэлиэтээтэ  Дьокуускай куораттааҕы Дума бэрэссэдээтэлэ Альберт Семенов.
Бу үөрүүлээх күҥҥэ иитээччилэри саха эстрадатын артыыстара эҕэрдэлээтилэр, бастыҥ үлэһиттэргэ түөскэ анньынар бэлиэ туттарылынна.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...