02.02.2024 | 10:00

Оскуолаҕа киириигэ прописка сүрүн оруоллаах

Билигин төрөппүттэр судаарыстыбаннай өҥө порталыгар оскуолаҕа киирии сайаапкатын эрдэттэн толорон бэлэмнээн кэбиһэр кыахтаахтар.  Сайаапканы толорорго тэхиньиичэскэй харгыстар баар буоллахтарына, Дьокуускайга 318-220 нүөмэринэн эрийиэххэ эбэтэр esp@intsakha.ru электроннай почтаҕа суруйуохха сөп.
Оскуолаҕа киириигэ прописка сүрүн оруоллаах
Ааптар: Киин Куорат
Бөлөххө киир

Сайаапкалары тутуу быйыл муус устар 1 күнүттэн 09:00 чаастан саҕаланар.

 

Үгэс быһыытынан, оскуолаҕа киирии быйыл эмиэ икки түһүмэҕинэн барыаҕа.

Бастакы түһүмэх муус устар ыйтан саҕаланар, сайаапкалары биэрии прописканан ыытыллар.

Иккис түһүмэх от ыйын 6 күнүттэн балаҕан ыйын 5 күнүгэр диэри ыытыллар. Манна прописканан хапсыбат да оскуолаҕа сайаапка биэриэххэ сөп. Онуоха биири тоһоҕолоон бэлиэтиибит: өскөтүн эһиги атын оскуолаҕа сайаапкаҕытын иккис түһүмэх саҕаланыан иннинэ, о.э. от ыйын 6 күнүн иннинэ ыыппыт буоллаххытына, аккаас тутуоххутун сөп.

 

? Оскуолаҕа киирэргэ ханнык прописка нааданый?

Бастайааннай уонна кылгас болдьоххо оҥоһуллубут пропискалар оҕону оскуолаҕа биэрэргэ тэҥ бырааптаахтар.

Ол эрэн 14 саастарын туола илик оҕолор төрөппүттэриттэн туспа пропискаланаллара табыллыбат.

 

? Прописката суох киириэххэ сөп дуо?

Куоракка прописката суох оҕолор төрөппүттэрэ от ыйын 6 күнүн кэннэ оскуолаҕа сайабылыанньа суруйар бырааптаахтар.

 

? Прописканан буолбакка, ханнык баҕарар чугас оскуолаҕа оҕону биэриэххэ сөп дуо?

Эмиэ оскуолаҕа ылыы иккис түһүмэҕин кэмигэр, оскуолаҕа баран сайабылыанньа суруйуохха сөп.

 

? Оҕону төрөппүттэн туспа пропискалыахха сөп дуо?

Суох. Оҕо 14 сааһын туолуор диэри төрөппүтүн кытта олоруохтаах, биир пропискалаах буолуохтаах.

Ийэлээх аҕа олорор сирдэрэ тус-туһунан буоллаҕына, оҕону хайа баҕарар төрөппүтүн кытта пропискалыахха сөп.

 

? Ыал улахан оҕото үөрэнэр оскуолатыгар кыра оҕону ыларга сайабылыанньа биэриэххэ сөп дуо?

Ыал улахан оҕото прописката да суох үөрэнэр оскуолатыгар ыал кыра оҕолорун биэриэн сөп – бу сокуонунан мэктиэлэнэр быраапкыт.

 

? Ханнык оскуолаҕа хапсарбытын хайдах билэбит?

Дьокуускай куораттааҕы Үөрэх управлениетын саайтыгар yaguo.ru «О приеме заявлений в 1 класс» салааны баттаан эбэтэр 40-03-44, 40-03-43 төлөпүөннэринэн чуолкайдыахха сөп.

 

? Прописканан буолбакка, баҕарар оскуолабытыгар хайдах суруттарабыт?

Судаарыстыбаннай өҥөлөр порталларын нөҥүө e-yakutia.ru эбэтэр оскуолаҕа бэйэтигэр тиийэн.

 

? Оскуолаҕа киирбиппит хаһан биллэрий?

Бастакы түһүмэххэ пропискаларынан киирбит дьон испииһэгэ от ыйыгар тахсар. Оттон иккис түһүмэххэ сайаапка биэрбиккит кэннэ 5 үлэ күнэ ааһыахтаах.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!