03.05.2021 | 11:01

Оскуолаҕа киирэр оҕо ахсаана элбиир

Оскуолаҕа киирэр оҕо ахсаана элбиир
Ааптар: Киин Куорат
Бөлөххө киир

Сылын аайы Дьокуускай куоракка оскуола боруогун аан бастаан атыллыыр кырачаан ахсаана элбээн иһэр. Маҥнайгы кылааска киирэр оҕо былаанын оҥорорго оскуолаҕа киириэн иннинээҕи тэрилтэри быйыл хас оҕо бүтэрэрэ уонна улуустартан төһө киһи көһөн кэлэрэ учуоттанар. 
СӨ үөрэҕирии өҥөлөрүн оҥорор портал нөҥүө сурутуу бастакы күнүгэр куорат 48 оскуолатыгар киирэргэ 3500 электроннай сайабылыанньа киирбит. Муус устар 29 күнүнээҕи туругунан барыта 4562 сайабылыанньа буолбут. Итинник тэтиминэн уопсайа 5000 тиийэ элбиирэ сабаҕаланар. 
Дьокуускай куорат Үөрэххэ управлениета иһитиннэрбитинэн, бастакы күн төрөппүттэртэн уонна оҕолор сокуоннай бэрэстэбиитэллэриттэн төлөпүөнүнэн элбэх ыйытыы киирбит. Сүрүннээн электроннай сайабылыанньа былаанкатын толоруу уонна тустаах оскуолаҕа кимнээх киирэр бырааптара элбэҕин, туох докумуон наадатын туһунан ыйыталлар эбит. 
Киирбит сайабылыанньа 1 күн көрүллэр, статус бэриллэр. Ол аата докумуоннаргыт оригиналлара наада эбэтэр уочаракка сурулуннугут диэн автоматическай эппиэт сайабылыанньа түһэрбит дьон электроннай аадырыстарыгар хоруй тиийэр. 
14 үлэ күнүн иһигэр оскуолалар сайабылыанньалаах дьону докумуоннар оригиналларын илдьэ кэлэллэригэр ыҥырар. Оннук иһитиннэрии төлөпүөнүнэн, смс нөҥүө эбэтэр электроннай почтаҕа кэлэр. Маны сэргэ сайабылыанньа биэрбит дьону ыҥырыы оскуола официальнай сайтыгар тахсыаҕа. Элбэх киһи мустубатын курдук, график оҥоһуллар. 

Ытыктабыллаах төрөппүттэр (сокуоннай бэрэстэбиитэллэр)! 

РФ территориятыгар үөрэх бары кыһатыгар киирии быраабылата биир. Миэстэ суох буоллаҕына, олорор сиригэр регистрациятынан хапсыбытын да иһин оҕону ылбат түбэлтэлэрэ сокуоҥҥа олоҕурар. 
Оскуолаҕа хапсыбат территорияҕа олорор оҕолортон 1 кылааска киирэр туһунан сайабылыанньа от ыйын 6 күнүттэн балаҕан ыйын 5 күнүн аһарбакка хомуйуллар. От ыйын 6 күнүттэн олорор сиртэн атын оройуоҥҥа турар оскуолаларга сайабылыанньа биэриэххэ сөп. 
Оҕону 1 кылааска киллэрэр туһунан бирикээс сайабылыанньа хомуллан бүппүтүн кэннэ, от ыйын 1 күнүттэн 5 күнүгэр диэри, 3 үлэ күнүн иһигэр тахсыаҕа. Бэйэлэрин олорор территорияларыгар кыайан киирбэтэх оҕолор атын оскуолаларга ханна миэстэ баарынан ыытыллыахтара. Төһө элбэх сайабылыанньа киирэриттэн көрөн кылаастар ахсааннарын элбэтэргэ миэрэ ылыллыаҕа.  
Саха тыллаах 1 кылаастар 33 оскуолаҕа баар буолуохтара (куорат оскуолаларын уопсай ахсаана 49). Кылаастар ханнык тылынан үөрэтэллэрин талыы төрөппүттэр (сокуоннай бэрэстэбиитэллэр) баҕа санааларыттан быһаччы тутулуктаах. 
Н.А. Алексеева техническэй лицейэ ханнык да территорияҕа сыһыарыллыбатах буолан, 1 кылааска киирэргэ сайабылыанньалары от ыйын 6 күнүттэн ылыаҕа. 
1 кылааска киирэр сыалтан фиктивнэй регистрациялааһын РФ Холуобунай Кодексатын 322.2 ыстатыйатынан холуобунай эппиэккэ тардыллар. Оскуолаҕа киирии Бэрээдэгэр олоҕуран электроннай докумуоннар уонна бэриллибит сибидиэнньэлэр төһө сөптөөхтөрүн оскуола бэрэбиэркэлиир толору бырааптаах. Онуоха оскуола судаарыстыбаннай информационнай систиэмэ, судаарыстыбаннай уонна муниципальнай уорганнар уонна тэрилтэлэр өҥөлөрүнэн туһаныан сөп.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
НВК Саха бырагыраамата муус устар 8-14 күннэригэр
Сонуннар | 07.04.2024 | 10:00
НВК Саха бырагыраамата муус устар 8-14 күннэригэр
Понедельник, 8 апреля 6:00 Сана кун 6+ 9:00 Утро Якутии 6+ 10:00 Саха Сирэ 12+ 10:15 Саха сатаабата суох 6+ 10:45 Сайдыс 6+ 11:15 Улэ дьоно 12+ 11:45 Репортаж 12+ 12:00 "Якутия" информационная программа 12+ 12:15 Эйгэ 6+ 13:30 "Саха Сирэ-Якутия" информационная программа 12+ 14:00 Тэтим 6+ 15:00 Уонна...12+ 16:00...