01.11.2021 | 13:36

Оптуобустары уонна аһылык тэрилтэлэрин бэрэбиэркэлээтилэр

Оптуобустары уонна аһылык тэрилтэлэрин бэрэбиэркэлээтилэр
Ааптар: Киин Куорат
Бөлөххө киир

Алтынньы 31 күнүгэр киин куорат Суһал штабын Уокуруктааҕы дьаһалта специалистарын уонна СӨ Росгвардия Управлениетын сотрудниктарын  холбоһуктаах бөлөҕө  25 уопсастыбаннай аһылык эбийиэктэригэр уонна 23 оптуобуска бэрэбиэркэни ыыттылар. Бу туһунан Уокуруктааҕы дьаһалта пресс-сулууспата иһитиннэрдэ. 
Коронавирус дьаҥын тарҕаппат сыаллаах хааччахтааһын миэрэлэрин кэһии түбэлтэлэрэ  «Крыша» рестораҥҥа, «Севера» илиҥҥи куукуна кафетыгар, «Центр Плов» уонна «Бухенхаус» баарга тахсыбыттара билиннэ. Итини таһынан, мааска кэтэр эрэсиими кэһиини 8-с №-дээх оптуобус суоппара таһаарбыт. Хааччах миэрэлэрин кэһээччилэргэ РФ КоАП 20.6.1 ыст. аакталар оҥоһулуннулар, тэрилтэлэргэ ыстараап уонна үлэ тохтобула суоһуур.  
Суһал штаб быһаарыытынан уһун өрөбүллэргэ уопсастыбаннай аһылыгы тэрийэр, култуурунай-сынньалаҥ эбийиэктэригэр, уопсастыбаннай тырааныспарга хааччахтааһын миэрэлэрин кэһиини бэрэбиэркэлиир рейдэлэри күүһүрдэн биэрдилэр. 
Санатар буоллахха, СӨ Ил Дархана Айсен Николаев илии баттаабыт Ыйааҕар олоҕуран, алтынньы 30 күнүттэн сэтинньи 7 күнүгэр диэри уһун өрөбүллэр биллэрилиннилэр. Атыы-эргиэн кииннэригэр аптекалар, ас-үөл маҕаһыыннара, саамай наадалаах табаары атыылыыр туочукалар, рестораннар уонна кафелар эрэ үлэлиэхтэрэ, кинилэргэ QR-кодунан эрэ киириллэр. Итини сэргэ социальнай дистанцияны тутуһуу баар буолуохтаах, сааланы аҥаарынан эрэ толоруллуохтаах. Итинтэн атын эргиэн кииннэрэ, бородууктаны атыылаабат супермаркеттар уонна да атын маҕаһыыннар сабыллаллар. Табаары тиэрдэр сулууспалар уонна өҥөнү дистанционнайдык оҥорор тэрилтэлэр бу хааччахха киирбэттэр.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.