Оптуобустарга бэрэбиэркэлэр ыытыллаллар

Суол-тырааныспар сулууспата куорат уопсастыбаннай тырааныспарын былааннаах бэрэбиэркэтин саҕалаата.

Бэрэбиэркэ оптуобустар докумуоннарын таһынан, массыыналар ис-тас көстүүлэрин, аудио-информатор, видео-фиксация курдук туһааннаах тэхиньиичэскэй тэрилинэн хааччыллыыларын көрөр. Маны таһынан, Суол-тырааныспар сулууспатын начаалынньыга Эдуард Садовников бэлиэтээбитинэн, графигы тутуһуу эмиэ болҕомтоҕо ылыллар.

Оттон куорат олохтоохторо уонна ыалдьыттара уопсастыбаннай тырааныспар үлэтигэр ирдэбили кэһиини бэлиэтии көрбүт буоллахтарына, 40-80-94 эрийэн, эбэтэр opp-ykt@mail.ru. электроннай почтаҕа суругунан биллэриэхтэрин сөп. Гражданнары тус боппуруостарынан үлэ күннэригэр сарсыарда 09 чаастан киэһэ 18 чааска диэри Октябрьскай уул., 20/1 аадырыска 205 каб. (2-с этээс) күүтэллэр. Ол туһунан «Суол-тырааныспар сулууспата» МХТ иһитиннэрэр.