Оптуобустар сырыыларыгар итэҕэстэри биллэриэххэ сөп

Пассажирдары муниципальнай уопсастыбаннай тырааныспарынан тиэйиигэ итэҕэс-быһаҕас баарын үлэ күннэригэр (бэнидьиэнньик-бээтинсэ) сарсыарда 09:00 чаастан киэһэ 18:00 (эбиэккэ тохтобул 13:00-14:00 чч.) чааска диэри Октябрьскай уул., 20/1, 205 офис, эбэтэр (4112) 40-80-94 төлөпүөнүнэн, эбэтэр opp-ykt@mail.ru. электроннай почтаҕа биллэриэххэ сөп.

Санатар буоллахха, Олохтоох дьаһалта Суол-тырааныспар сулууспата уопсастыбаннай тырааныспар үлэтин, куорат маршруттарыгар тахсар оптуобустар сырыыларын күн аайы хонтуруоллуур. Хонтуруолунан интервалы тутуһуулара, туһааннаах докумуоннара о.д.а. барыта хабыллар. Булуллубут итэҕэстэринэн кэпсэтии ыытыллар уонна салгыы хонтуруол олохтонор.

«Сыл саҕаланыаҕыттан пассажирдары тиэйии хайысхатыгар балаһыанньа куһаҕана суох, графигы толоруу 85%-тан үрдүк, куорат маршруттарыгар күн аайы 280 устуука оптуобус тахсар»,- диэн бэлиэтиир Суол-тырааныспар сулууспатын салайааччыта Эдуард Садовников. Ол туһунан «Суол-тырааныспар сулууспата» муниципальнай хааһына тэрилтэтэ иһитиннэрэр.