Оптуобус суоппардарын бэрэбиэркэлииллэр

Дьокуускай куорат баһылыга Сардана Авксентьева сорудаҕынан мааскалаах сылдьыы эрэсиимин кэһэр оптуобус суоппардарын бэрэбиэркэлээһин салҕанар. Рейдэлэргэ куорат дьаһалтатын Административнай хамыыһыйатын исписэлиистэрэ сылдьаллар.

Тустаах хамыыһыйа иһитиннэрбитинэн, ааспыт нэдиэлэҕэ 13 кэһии бэлиэтэммит, онон административнай быраабы кэһии боротокуоллапа толоруллубуттар.

Ол курдук,  4,20, 15,  3, 7, 2, 8 нүөмэрдээх оптуобус суоппардара эрэсиими тутуспаттара бэлиэтэннэ.

Санатан эттэххэ, куорат олохтоохторун өттүттэн үҥсүү үгүс. Онон баһылык сорудаҕынан  оптуобустарга эриэйдэ ыытыллара тохтообот.

Күндү куорат олохтоохторо! Дьон-сэргэ тоҕуоруһар сирдэригэр мааскалаах сылдьыҥ, социальнай тэйиччи туттуу быраабылаларын тутуһуҥ.