23.04.2024 | 23:15

Оптуобус реформата сыыйа киириэхтээх

Оптуобус реформата сыыйа киириэхтээх
Ааптар: Киин Куорат
Бөлөххө киир

Куорат баһылыга Евгений Григорьев 14, 17, 20, 35 уонна 6 №№-дээх оптуобус маршруттарын бэрэстэбиитэллэрин кытта уопсастыбаннай тырааныспар реформатын уонна салаа күннээҕи тыҥаан турар кыһалҕаларын дьүүллэстэ. 
Кэпсэтиигэ уопсастыбаннай тырааныспар салаатыгар эппиэттээх баһылыгы солбуйааччы Антон Алексеенко, Куораттааҕы суол-тырааныспар сулууспатын салайааччыта Эдуард Садовников кыттыыны ыллылар. 
Уопсастыбаннай тырааныспар бүгүҥҥү сүрүн кыһалҕатынан тиэхиньикэни саҥардыы уонна каадыр боппуруоһа буолаллар. Евгений Григорьев бэлиэтээбитинэн, СӨ тырааныспар министиэристибэтин кытта саҥа оптуобустары ыларга бүддьүөттэн бэриллэр субсидия сууматын 3 мөлүйүөнтэн 6 мөлүйүөҥҥэ диэри улаатыннарар туһунан кэпсэтии барбыт. Маршруттар дириэктэрдэрэ этэллэринэн, лиизининэн ылбыт тиэхиньикэлэригэр ыйга төлүүр суумалара үрдүгүттэн, салгыы атыылаһар уустуктардаах. Онон баһылык бүддьүөтү чуолкайдааһыҥҥа Ил Түмэн дьокутааттара куорат санаатын учуоттуулларыгар эрэлин биллэрдэ. 
Урбаанньыттар маны сэргэ оптуобустарга кииннэммит автомастарыскыай, бокс-гараас наадатын, маннык түгэҥҥэ өрөмүөн ороскуота намтыахтааҕын ыйдылар. 
«Суоппар тиийбэтин боппуруоһугар мин 6 уонна 35 №№-дээх маршруттар дириэктэрдэрэ Оксана Емелеваны кытта сөпсөһөбүн – суоппар идэтин престиһин уонна оптуобус суоппарыгар ытыктабыллаах сыһыаны үрдэтиэххэ наада. Ол эрээри дохуот кээмэйэ уонна суоппар хамнаһа үлэни тэрийииттэн уонна пассажир ахсааныттан тутулуктааҕа биллэр. Манна маршруттар хатыласпаттарын хааччыйыахха наада», - диэтэ баһылык.
Биир сытыы кыһалҕанан айан иһин төлөбүрү оҥорбот пассажирдар баалларын ааттаатылар. Бу боппуруоска сыһыаннаан Евгений Григорьев Ил Түмэн дьокутааттарын кытта Административнай буруйу оҥоруу кодексатыгар айан иһин төлөбүрү оҥорбот иһин ыстатыйаны киллэрэр туһунан кэпсэтии ыытыллара наадатын ыйда.
Куорат уопсастыбаннай тырааныспарын систиэмэтигэр киирээри турар уларыйыыга сыһыаннаан баһылык реформа сыыйа, пассажирдары даҕаны, өҥөнү оҥорооччулары даҕаны уолуппакка киириэхтээҕин, ол эрээри сыал-сорук өҥө хаачыстыбатын уонна куттала суох буолуутун хааччыйыыга туһуланыахтааҕын бэлиэтээтэ, диэн иһитиннэрэр Олохтоох дьаһалта пресс-сулууспата.

Сонуннар

Ордук ааҕаллар

Саргылан Семенов: «Паралимпиада кыһыл көмүһүн ылларбын...»
Дьон | 01.02.2025 | 11:00
Саргылан Семенов: «Паралимпиада кыһыл көмүһүн ылларбын...»
Кини – 25 саастаах эдэр киһиэхэ олох ыараханын, аһыытын-ньулуунун билбит, ол охсууттан самныбатах, күүстээх санаалаах, сахалыы мындыр толкуйдаах, саастаах да дьоҥҥо холобур буолар киһи киэн туттар дьоруойа.   – Саргылан, бастатан туран, бэйэҥ тускунан билиһиннэриэҥ дуо? – 1999 сыллаахха Уус Алдан улууһун киинигэр Бороҕоҥҥо төрөөбүтүм, улааппытым, оҕо, эдэр сааһым барыта онно...
Екатерина Семенова: «Ылдьаананы аһынным ээ...»
Дьон | 08.02.2025 | 12:00
Екатерина Семенова: «Ылдьаананы аһынным ээ...»
Бу күннэргэ «Саха» НКИХ көрөөччүлэрэ «Уот Дьулустаан» диэн саҥа сериалынан олоробут диэтэххэ, омун буолбатах. Киэһэ аайы: «Киинэбит кэлэрэ чугаһаата», – диэн бассаап бөлөхтөр оргуйа түһэллэр. Саҥа сериалга киҥнээх, кырыктаах Ылдьаана хотун оруолун чаҕылхайдык толорбут Екатерина Семенова көрөөччү киэҥ биһирэбилин ылла.   Бүгүҥҥү сэргэх сэһэргэһээччибит –  СӨ Үүнэр көлүөнэтин тыйаатырын артыыһа, СӨ...
Саха түмэлигэр ураты быыстапка турда
Сонуннар | 07.02.2025 | 22:12
Саха түмэлигэр ураты быыстапка турда
Саха АССР оскуолаларын 1985 сыллааҕы выпускниктара быйыл оскуоланы бүтэрбиттэрэ 40 сылын туолар. Кыайыы 40 үбүлүөйдээх сылыгар Саха сирин оскуолаларын бүтэрбит  тыһыынчанан оҕо бүгүн бэйэлэрэ олохторун орто омурҕанын ааһан, үүнэр көлүөнэни, эдэр ыччаты дойдуга тулхадыйбат таптал, бэриниилээх буолуу тыыныгар үлэлэһэр ытыктанар дьон. Кинилэр бу үтүө дьулуурдара атыттарга холобур эрэ буолар аналлаах....