18.08.2022 | 14:00

Опера уонна балет тыйаатыра балаҕан ыйын 3 күнүттэн саҥа сезонун саҕалыыр

Опера уонна балет тыйаатыра балаҕан ыйын 3 күнүттэн саҥа 52-с сезонун саҕалыыр, Саха АССР 100 сылынан улахан бырайыактары бэлэмниир диэн иһитиннэрдэ регионнааҕы Култуура министиэристибэтин пресс-сулууспата.
Опера уонна балет тыйаатыра балаҕан ыйын 3 күнүттэн саҥа сезонун саҕалыыр
Ааптар: Киин Куорат
Бөлөххө киир

«52-с театральнай сезон балаҕан ыйын 3 күнүгэр опера уонна балет искусствотын маастардарын, хор уонна симфоническай оркестр кыттыылаах Гала-кэнсиэртэринэн саҕаланыаҕа. Балаҕан ыйын 5-8 күннэригэр балет солистара Валерий Аргунов уонна Мария Кузьмина Владивосток куоракка ыытыллар Илиҥҥи экономическай форум култуурунай бырагырааматыгар кыттыахтара, кинилэр „Корсар“ уонна „Чурумчуку“ балеттартан адажионы толоруохтара», — диэтэ Култуура уонна духуобунай сайдыы миниистирин солбуйааччы Марина Силина.

Итини сэргэ, тыйаатыр этно-истииллээх кэнсиэр нүөмэрин премьератын көрдөрүөҕэ.

Балаҕан ыйын 8-9 күннэригэр кэлэктиип Мииринэй куоракка гастроллуоҕа,   «Алмаз» Култуура дыбарыаһыгар А. Адан «Жизель» балетын уонна опера уонна балет искусствотын маастардарын Гала-кэнсиэртэрин көрдөрүөҕэ.

Балаҕан ыйын 23-24 күннэригэр тыйаатыр сыанатыгар Арассыыйа Большой тыйаатырын балетын артыыстара тахсыахтара. Бырагыраамаҕа — А. Алонсо «Кармен-сюита» испэктээкилэ.

Итини таһынан, алтынньы ыйга саха балетын салайааччыта Екатерина Тайшина, тыйаатыр солистара Сарыал Афанасьев уонна Анастасия Платонова Н.А. Римскэй-Корсаков аатынан Санкт-Петербургтааҕы консерватория үбүлүөйдээх Гала-кэнсиэригэр ыҥырылыннылар.

Сэтинньи 8 күнүгэр тыйаатыр балетнай труппата улуу импресарио Сергей Дягилев 150 сылыгар анаммыт «Дягилев Постскриптум» 13-с бэстибээлгэ бырыахтаах.

Итини таһынан, айар кэлэктиип М. Жирков, Г. Литинскэй «Ньургун Боотур» опера-олоҥхолорун премьератыгар бэлэмнэнэр. Опера-олоҥхо ахсынньы 6 күнүгэр Москваҕа Большой тыйаатырга тахсыаҕа.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...