06.07.2022 | 14:11

Оонньуулар үөрүүлээхтик аһылыннылар

Оонньуулар үөрүүлээхтик аһылыннылар
Ааптар: Баһылай ПОСЕЛЬСКАЙ

Саха АССР төрүттэммитэ 100 сылыгар анаммыт Саха сирин норуоттарын VIII-с Спортивнай оонньуулара Уус Алдан улууһун киинигэр Бороҕоҥҥо – номоххо киирбит Тойон Мүрү сиригэр-уотугар үөрүүлээх быһыыга-майгыга үрдүк таһымҥа аһылланнар, күүрээннээх күрэхтэһиилэр үгэннээн буола тураллар.

От ыйын 4-9 күннэригэр 36 улуус, оройуон, үрдүк үөрэх кыһаларын 2000 кэриҥэ спортсменнара спорт 16 көрүҥэр илин-кэлин түсүһүөхтэрэ, күөн-күрэс былдьаһыахтара.

Оонньуулары үөрүүлээх быһыыга-майгыга арыйыы бэс ыйын 6 күнүгэр киэһэ 20.00 ч. буолан ааста. Саха Өрөспүүбүлүкэтин Аҕа баһылыга Айсен Сергеевич Николаев, бочуоттаах ыалдьыт, Арассыыйа Олимпийскай кэмитиэтин сүбэһитэ, боксаҕа Олимпийскай оонньуулар чөмпүйүөнэ Давид Владимирович Мусульбес, Оонньуулары тэрийэр кэмитиэт бэрэссэдээтэлэ Сергей Васильевич Местников, Уус Алдан улууһун баһылыга Алексей Васильевич Федотов бары кыттааччыларга, ыалдьыттарга эҕэрдэ тыллары эттилэр.

Оонньуу былааҕын Саха Өрөспүүбүлүкэтин биллиилээх спортсменнара –   марафоҥҥа Арассыыйа биэс төгүллээх чөмпүйүөнэ Сардаана Трофимова, көҥүл тустууга Иван Ярыгин норуоттар икки ардыларынааҕы турнирын кыайыылааҕа, Арассыыйа боруонса призера Виктор Рассадин, боксаҕа Белоруссия Витебск куоратыгар норуоттар икки ардыларынааҕы турнир кыайыылааҕа Талбан Егоров, дуобакка аан дойду чөмпүйүөнэ Матрена Ноговицына, кылгас сиргэ сүүрүүгэ уонна үстэ төхтүрүйэн ойууга Саха сирин рекордсмена, Арассыыйа чөмпүйүөнэ Диана Адасько, остуол тенниһигэр Саха сирин уонна Уһук Илин чөмпүйүөнэ Василий Румянцев арыаллаан тутан аҕалан, көтөҕөн таһаардылар.

“Түгэни уонна үйэни уҥуордаан” (“Сквозь миг и вечность”) театрализованнай дьүһүйүүнү П.А. Ойуунускай аатынан Саха театрын артыыстара толордулар.

Саха сирин норуоттарын VIII-с Спортивнай оонньууларын Уотун Уус Алдан улууһун бастыҥ спортсмена, көҥүл тустууга Арассыыйа боруонса призера Арыйаан Тютрин уматта.

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.