Онкология балыыһатыгар аныгы компьютернай томограф туруорулунна

Саҥа тутуллубут Онкология киинэ үлэҕэ киирэргэ бэлэм. Бу күннэргэ балыыһаҕа оборудованиены таҥыы, туруоруу үлэтэ барар, ол иһигэр Арассыыйаҕа үһүс аныгылыы компьютернай томограф кэлбит.

Ол курдук, диспансер уопсайа 1880 араас медицинскэй оборудованиенан хааччыллан эрэр. Кылаабынай быраас Татьяна Николаева бэлиэтииринэн, барыта 8 эпэрээссийэ саалата тэриллэн, сылга 4,5 тыһыынчаҕа тиийэ араас таһымнаах эпэрээссийэни оҥорор кыахха тахсар былааннаахтар.
Саҥа диспансер түөрт блоктан турар. Мантан иккитигэр 180 сытар уонна 16 күнүскү куойкалаах алта химия стационара баар буолар. Итини сэргэ симиэнэҕэ 210 киһини көрөр поликлиникалаах буолар. Диспансер билиҥҥиттэн икки төгүл элбэх, ол аата тыһыынчаттан тахса үлэһиттээх буолар, диэн иһитиннэрэр Ил Дархан уонна Бырабыыталыстыба пресс-сулууспата.

Андрей Сорокин хаартыскаҕа түһэриитэ, СИА