Онкология балыыһата арыллара аҕыйах хонук хаалла

Дьокуускайга тутулла турар Онкология балыыһата тохсунньу ыйы ааспакка арыллара былааннанар. Бу бэнидиэнньиккэ баһылык Айсен Николаев номнуо балыыһа оборудованиетын туруорарга сорудахтаата.
Ил Дархан уонна өрөспүүбүлүкэ бырабыыталыстыбатын пресс-сулууспата иһитиннэрбитинэн, эбийиэккэ тутуу-таҥыы үлэтэ түмүктэммит. Онон бу күннэргэ саҥа туруоруллар медицинскэй оборудованиены үлэтэргэ көҥүл ылыы күүтүллэр. Балыыһаны арыйыы тохсунньу ыйга былааннанан турар. 
Саҥа балыыһа үлэҕэ киирдэҕинэ, Онкология киинэ сылга 50 тыһыынчаҕа тиийэ ыарыһахха үрдүк технологиялаах медицинскэй көмөнү оҥорор кыахха тахсар. Бэлиэтээн эттэххэ, балыыһа дойду баһылыга Владимир Путин көҕүлээбит «Доруобуйа харыстабыла» национальнай бырайыагынан олоххо киирэн эрэр, диэн СИА иһитиннэрэр, Андрей Сорокин хаартыскаҕа түһэриитэ.