Олунньу 1 күнүттэн Маай бырааһынньыгар диэри үс ыйдаах санитарнай ыраастаныы саҕаланар
Тохсунньу 13 күнүгэр куорат баһылыга Евгений Григорьев тэрилтэлэр, структуралар, уокуруктар салайааччылара кыттыылаах мунньахха олунньу 1 күнүттэн ыам ыйын 1 күнүгэр диэри киин куоракка үгэс буолбут үс ыйдаах санитарнай ыраастаныы ыытылларын туһунан иһитиннэрдэ.
Мунньах ыытыллар тэрээһиннэри үбүлээһин, тиэхиньикэнэн хааччыйыы боппуруостарын, ону кытта Тупсаҕайдык дьаһанан олоруу быраабылатынан хаары ыраастааһыҥҥа салайар хампаанньалары, тэрилтэлэри кытыннарыыны көрдө.
Территориялары кытта үлэҕэ департамент салайааччыта Владислав Слепцов, саҥа тутуллубут уулусса элбээбитинэн, Якутдорстрой тэрилтэни таһынан тротуардары ыраастааһыҥҥа 8 бэдэрээттээх тэрилтэ бэйэтин тиэхиньикэтинэн үлэлиирин иһитиннэрдэ.
Ол курдук, үс ыйдаах санитарнай ыраастаныы кэмигэр хаар тиэйиитэ, бөх тоҕор сирдэри хомуйуу ыытыллыахтара. Чааһынай дьиэлээхтэртэн хаары Тупсаҕайдык дьаһанан олоруу быраабылатын тутуһан ыраастааһын ирдэнэрэ, быраабыланы кэһээччилэр административнай эппиэтинэскэ тардыллыахтара диэн сэрэтии этилиннэ. Ол курдук, месячник устата хаары ыраастааһын уонна тиэйии чааһыгар эриэйдэлэр ыытыллыахтарын санаттылар.
Сонуннар
Ордук ааҕаллар
