16.01.2021 | 17:04

Олохтоохтор хаачыстыбаны ирдииллэр

Олохтоохтор хаачыстыбаны ирдииллэр
Ааптар: Киин Куорат

Дьокуускай куорат баһылыгын эбээһинэһин толорооччу Евгений Григорьев ааспыт 2020 сыл түмүгүн уонна 2021 сылга ыытыллыахтаах үлэ былаанын туһунан маннык иһитиннэрдэ:

— 2020 сыл төһө да ыарахан сыл буоллар, былааннаммыт үлэлэр этэҥҥэ түмүктэннилэр. Дьокуускайга  2020 сылга улахан  хапытаалынай өрөмүөн, тутуу, 23,6 км усталаах суоллары ситэрии, ол курдук өссө 2019 сылга саҕаламмыт 12 көһө сылдьар эбийиэктэри, “Куттала суох уонна хаачыстыбалаах суоллар” диэн барыл иһинэн суоллары чиҥэтии, сырдатыы уонна көҕөрдүү үлэлэрэ ситиһиилээхтик оҥоһулуннулар.  2021 сылга былаан икки төгүл үрдээтэ. Ол курдук, 46 км суол куорат ис-тас өттүгэр оҥоһуллуохтаах. “Куттала суох уонна хаачыстыбалаах суоллар” диэн барыл иһинэн 2020 сылга 57 тыһыынча кв. миэтэрэ тротуар аспаалынан уонна плитканан оҥоһулунна. Тротуар тутуута 2-3 төгүл улаатта. Ол иһин улахан болҕомтону тутуу хаачыстыбатыгар уонна болдьоҕор ыпсарыгар ууруллар. Сорох кэмнэргэ тутааччы бэдэрээтчиттэргэ элбэх боппуруостар үөскээн тахсаллар. Итэҕэс-быһаҕас да баар буолар. Онон сороҕор ыстарааптыырга күһэллэбит. Урукку сыллар курдук суол хаачыстыбатын көрүүгэ, ирдииргэ норуот хонтуруола көмө буолар. Онно сүрүн болҕомто ууруллар уонна биир ситимнээх үлэ ыытыллар. Ааспыт сыл ахсынньы ыйыгар суол тутуутун кыһалҕаларыгар “онлайн” конференция ыытыллыбыта. Онно куорат олохтоохторо бэйэлэрин олорор сирдэригэр суол кыһалҕатын быһаарыыга интэриэстээхтэрин көрдөрбүттэрэ. Бу хайысхаҕа былаан уонна ирдэбил өссө үрдээбитэ. Норуот хонтуруола үлэлиирин билбиппит. Үлэбит биир сүрүн хайысхатынан 2020 сылга куорат уулуссаларыгар суолу сырдатыы боппуруоһа буолбута. “Сырдык киин куорат” диэн барыл иһинэн  280 уулусса баҕаната: 91 баҕана куорат кытыытыгар уонна 189  баҕана куорат иһигэр тутуллубуттара. Бу атын сыллары тэҥнээн көрдөххө, эмиэ  үрдүк көрдөрүү буолар. “Куттала суох куорат” диэн барылга эбии биэс  камера суолга уонна икки киин туочука “гражданин-полиция” туруоруллубуттара. Киин куораппытыгар “комплекснай”, ол аата биир территорияҕа оскуола, оҕо киинэ тутуллар. Уопсайынан, нэһилиэнньэ туһанар, үөрэнэр, үлэлиир тэрилтэлэрэ биир сиргэ тутуллара “комплекснай киин” дэнэр. Бу аныгылыы комплекснай тутууга көһүү буолар. 2020 сыл Дьокуускай куораппытыгар, Улуу Кыайыы бырааһынньыгын үбүлүөйдээх 75 сылынан биллэриллибитэ.  Куорат күнүгэр “Кыайыы Паарката” аһыллыбыта. Балаҕан ыйыгар Сэбиэскэй Сойуус геройугар Владимир Лонгиновка аналлаах сквер Сайсарыга,  “Туймаада саллаата” Мемориальный кииҥҥэ (комплекска) Аҕа дойду Улуу сэриитин снайперыгар анаан пааматынньык аһыллыыта буолбута. Ааспыт сыл олунньу 7 күнүгэр Кыайыы Пааркатыгар Сэбиэскэй Сойуус геройугар Иван Кульбертиновка анаан пааматынньык аһыллыыта үөрүүлээхтик ааспыта. Аҕа дойду Улуу сэриитин геройдарыгар аналлаах өйдөбүнньүк пааматынньыктар биһиги куораппытыгар мэлдьитин тутулла туруохтара. 2022 сылга, Саха автономнай өрөспүүбүлүкэтэ тэриллибитэ 100 сылыгар анаан  аныгылыы тутуулаах, киэҥ-куоҥ “Кыайыы Пааркатын” ситэриэхпит. Ол курдук Кыайыы болуоссатыгар былаан быһыытынан хапытаалынай өрөмүөн ыытыллыахтаах.

Сонуннар

Ордук ааҕаллар

Гаврил Менкяров:  «Артыыс режиссер ирдиирин толоруохтаах»
Дьон | 23.10.2021 | 11:54
Гаврил Менкяров: «Артыыс режиссер ирдиирин толоруохтаах»
Бу талааннаах эдэр артыыһы Олоҥхо театрыгар, сахалыы киинэлэргэ үгүстүк көрдөххүт. Устар ууну сомоҕолуур уус-уран тыллаах, эмиэ даҕаны дьээбэлээх-хооболоох, бэтиэхэлээх уол кэнсиэртэри, уруу киэһэлэрин, быыстапкалары, музыкальнай бириэмийэлэри, о.д.а. улахан тэрээһиннэри иилээн-саҕалаан ыытарын сэргээбит буолуохтааххыт. Гаврил Менкяров олоҕо олоҥхо курдук сиэдэрэй, баай ис хоһоонноох.  Ходуһаҕа, бааһынаҕа ааспыт оҕо саас – Мин сүрдээх...
Иитиэх оҕо
Сынньалаңңа | 24.10.2021 | 12:00
Иитиэх оҕо
(Түөрт көстүүлээх оҕолорго сыаҥка)
«DAMS» бренд ааптара:  «Туохтан даҕаны куттанымаҥ!»
Дьон | 19.10.2021 | 17:00
«DAMS» бренд ааптара: «Туохтан даҕаны куттанымаҥ!»
«DAMS» бренд историята сыл анараа өттүгэр саҕаламмыта. 2020 сыллаахха Александра Павлова соҕотоҕун эскизтэри толкуйдаан, табаарын социальнай ситим нөҥүө атыылаан саҕалаабыта. Саха төрүт истиилинэн тигиллибит аныгылыы таҥастар ураты, намчы буоланнар, дьон-сэргэ сэҥээриитин ылбыта.   — Александра, дорообо! Бренд олус интэриэһинэй ааттаах. Хайдах толкуйдаммытай?     — «DAMS» – бу мин таптыыр дьиэ кэргэним чилиэннэрин...
Нолуок сокуонугар уларыйыылар киирдилэр
Сонуннар | 22.10.2021 | 11:30
Нолуок сокуонугар уларыйыылар киирдилэр
Ахсынньы 1 күнүгэр физическэй сирэйдэргэ 2020 сыллааҕы баай-дуол нолуогун болдьоҕо бүтэр.  Итинэн сибээстээн, өрөспүүбүлүкэҕэ сылын аайы буоларын курдук тырааныспар, сир учаастактарын уонна хапытаалынай тутуу эбийиэктэрин бас билээччилэригэр сэрэтии сурук ыытааһына саҕаланна. Бу туһунан алтынньы 21 күнүнээҕи физическэй сирэйдэр төлүүр нолуоктарыгар уларыйыылар тустарынан брифиҥҥэ Арассыыйа ФНС СӨ 5 №-дээх Оройуоннар икки...