22.02.2022 | 14:00

Олохтоох дьаһалтаҕа саҥа анааһыннар

Олохтоох дьаһалтаҕа саҥа анааһыннар
Ааптар: Киин Куорат

Олохтоох дьаһалта үлэ харыстабылыгар салаатын начаалынньыгынан Варвара Левочкина ананна.
Левочкина Варвара Артуровна 1979 сыллаахха Саха АССР Дьокуускай куоратыгар төрөөбүт. 2001 сыллаахха М.К. Аммосов аатынан Саха судаарыстыбаннай университетын «Филология, английскай тыл уонна литература преподавателэ» идэлээх бүтэрбит, 2003 сылга – СӨ Бэрэсидьиэнин иһинэн салайар үлэ Институтун «Муниципальное управление» бырагырааманан үөрэнэн бүтэрбит, 2020 сылга СӨ Баһылыгын иһинэн инновационнай менеджмент Үрдүк оскуолатыгар «Юриспруденция» хайысхатынан үөрэммит. 
Варвара Левочкина үлэтин уопсай ыстааһа 19 сылтан тахса, итинтэн 18 сылтан ордук Олохтоох дьаһалтаҕа араас дуоһунастарга үлэлээбит. 2005 сылтан каадырдар уонна муниципальнай сулууспа Управлениетын кылаабынай исписэлииһэ. 

Олохтоох дьаһалта баайга-дуолга уонна сир сыһыаннаһыыларыгар Департаменын начаалынньыгынан Алексей Бурнашев ананна. 
Бурнашев Алексей Алексеевич 1982 сыллаахха төрөөбүт. 1999 сыллаахха Дьокуускай куорат 14 №-дээх орто оскуолатын  физико-математическай кылааһын үөрэнэн бүтэрбит. 2004 сылга М.К. Аммосов аатынан Саха судаарыстыбаннай университетын 2004 сылга «Юриспруденция» салаатын «Юрист» квалификациялаах бүтэрбит. 
2005 сылтан РФ ис дьыала уорганнарыгар үлэлээбит.  2010-2022 сылларга ИДьМ  Следственнай управлениетыгар салайар дуоһунастарга үлэлээбит, ол иһигэр  2019 сылтан – Следственнай управление начаалынньыгынан. 
Эбии үөрэҕэ: Саратовтааҕы юридическай институт, Арассыыйа ИДьМ Академията.
Юстиция полковнига.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...