29.12.2022 | 15:00

Олохтоох бородууксуйанан хааччыйыы сокуона бигэргэтилиннэ

Олохтоох бородууксуйанан хааччыйыы сокуона бигэргэтилиннэ
Ааптар: Айыына ДОНСКАЯ
Бөлөххө киир

Ил Түмэн уочараттаах пленарнай мунньаҕар дьокутааттар Саха Өрөспүүбүлүкэтигэр хаачыстыбалаах уонна куттала суох олохтоох бородууксуйанан хааччыйыы туһунан сокуону бүтэһиктээх ааҕыыга бигэргэттилэр.

Андрей Находкин,  Ил Түмэн тыа сиригэр уонна аграрнай политикаҕа сис кэмитиэтин бэрэссэдээтэлэ:

– Тыа хаһаайыстыбатын эйгэтигэр өйөбүл миэрэлэри таһынан аһы-үөлү көмүскүүр сокуон ылыныллыытын көрдүбүт. Бэлиэтээн эттэххэ, биэс сыл устата элбэх уларытыыны, сөбүлэһиини ааспыт историческай сокуон ылылынна. Саха сиригэр оҥоһуллар бородууксуйа хаачыстыба, куттала суох буолуу өттүнэн өйөбүлү ылар буолла. Дьиҥинэн, бу улахан сокуон. Биир пуунугар Саха сиригэр оҥоһуллубут бородууксуйа диэн сурулла сылдьар. Эрдэттэн бу хайысханан үлэ ыытыллан турар, материальнай базаны хаҥатыыга кыралаан хамсааһын тахсар. Манна даҕатан эттэххэ, урут сокуон өттүнэн мэктиэтэ уонна көмүскэлэ суох этэ. Бастакы ааҕыыны ааспытын кэннэ биир ый устата Ил Түмэн уонна Бырабыыталыстыба оробуочай хамыыһыйалара холбоһоммут, улахан үлэни ыыттыбыт. Ол түмүгэр сокуоммут бигэргэтилиннэ. Инникитин өссө саҥа хайысхалар көстөн, сокуон кэҥиир өттүгэр уларытыылар киирэн иһиэхтэрэ. Саамай сүрүнэ – аһы-үөлү көмүскүүр олохтоох сокуон баар буолла.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!