Олохпут оҥкула — үс туомнаах кинигэҕэ

Сайтка “История Якутии” үс туомнаах кинигэни ааҕыахха сөп.

Таһаарааччылар иһитиннэрбиттэринэн, аҕыс сыл устата улахан үлэ ыытыллыбыт. Үс туомнаах кинигэ Новосибирскай куоракка “Наука” кинигэ кыһатыгар бэчээттэнэн тахсыбыт. Үөрэх тэрилтэлэригэр, библиотекаларга, научнай институттарга тарҕатыллыбыт.

Академическай үлэ ааптардара – Гуманитарнай чинчийиилэр уонна хотугу аҕыйах ахсааннаах норуоттар кыһалҕаларын институтун уонна М.К. Аммосов аатынан ХИФУ, Москва, Санкт-Петербург, Новосибирскай, Иркутскай куораттар научнай тэрилтэлэрин бөдөҥ учуонайдара. Кэлэктиип научнай салайааччыта – история наукаларын доктора, профессор Анатолий Алексеев.

Бастакы туомҥа таас үйэтиттэн саҕалаан, орто үйэлэргэ диэри кыраай былыргы историята кэпсэнэр. Иккис туомҥа 17-с үйэттэн 19-с үйэлэргэ диэри кэрдиис хабыллыбыт. Үһүс туомҥа – 20-с үйэттэн 21 үйэ саҕаланыытыгар диэри кэм. Сүдү улахан кинигэҕэ ойуулар, каарталар, архыып матырыйааллара, хаартыскалар киирбиттэр, онтон үксэ эрдэ бэчээттэммэтэхтэр.

Рукопистар киэҥник ырытыллыбыттар, бөдөҥ учуонайдар сыанабылларын ылбыттар.

Үс туомнаах кинигэни https://100yakutia.ru/istoriya-yakutii/trekhtomnik-istoriya-yakutii сигэнэн киирэн аах.