16.12.2021 | 14:28

Олох-дьаһах эйгэтигэр үчүгэй өрүттээх хамсааһын көстөр

Олох-дьаһах эйгэтигэр үчүгэй өрүттээх хамсааһын көстөр
Ааптар: Киин Куорат
Бөлөххө киир

Киин куораттааҕы олох-дьаһах хомунаалынай хаһаайыстыбатын салаатын уонна энергетиканы үбүлээһин 2022 сылга, быйылгыны кытта тэҥнээтэххэ, лаппа улаатыннаран көрүлүннэ. Ити туһунан ахсынньы 14 күнүгэр Дьокуускай куораттааҕы Дуума куорат хаһаайыстыбатыгар уонна экологияҕа сис хамыыһыйатыгар этилиннэ. Андрей Лебедев бэрэссэдээтэллээх  хамыыһыйа иккис ааҕыыга 2022 уонна 2023-2024 сыллардааҕы былааннаммыт болдьоххо куорат бүддьүөтүн бырайыагын көрдө.  Бу туһунан Дуума пресс-сулууспата иһитиннэрдэ. 
Уокуруктааҕы дьаһалта үпкэ Департаменын начаалынньыга Ольга Максимова иккис ааҕыыга киирбит көннөрүүлэри билиһиннэрбит. 
Санатар буоллахха, 2022 сыллааҕы бүддьүөт сүрүн кээмэйэ бүддьүөт икки ардыларынааҕы трансферт кээмэйин учуоттаан туран дохуокка 22 млрд. 40 мөл. солк., ороскуокка 22 млрд. 312 мөл. солк. тэҥнэспит. Бүддьүөт дефицита уларыйбат, бэйэ дохуодун кээмэйиттэн 3%, ол эбэтэр 272 мөл. солк.
Ороскуот чааһыгар, бүддьүөтү көннөрүү хамыыһыйатын боротокуолун кытта сөп түбэһиннэрэн, олохтоох бүддьүөт ороскуотугар уларыйыылар киирбиттэр.   
«Комплексное развитие социальной инфраструктуры городского округа г. Якутск на 2014-2032 годы» муниципальнай бырагыраамаҕа иккис ааҕыыга ороскуокка бүддьүөт икки ардыларынааҕы трансферт кээмэйин 170 мөл. солк. учуоттаммыт. Муниципальнай бырагыраама олоххо киириитигэр 2022 сылга бүддьүөт ассигнованиетын кээмэйэ 238,7 мөл. солк. тэҥнэһэр.
«Обеспечение исполнения деятельности округов» биэдэмистибэ тус сыаллаах бырагырааматынан иккис ааҕыыга тиэргэн ыраастааччыны уонна оробуочайы тутар ороскуот үрдээбит. Ол курдук, 2022 сылга аналлаах таҥас  ылыллара былааннаммыт. 
«Обеспечение функционирования и развитие жилищно-коммунального хозяйства городского округа г. Якутск на 2020-2024 годы» муниципальнай бырагыраама олоххо киириитигэр иккис ааҕыыга бүддьүөт икки ардыларынааҕы трансферт кээмэйэ сылын аайы 376 мөл. солк. суумалаах учуоттаммыт. 2022 сылга бүддьүөт бүддьүөт ассигнованиетын уопсай кээмэйэ 1,4 млрд. солк. тэҥнэһэр.
Киин куорат үлэтин кыттыгас үбүлээһинигэр бэриллибит субсидия кээмэйин учуоттаан, массыына суолларыгар уонна инженернай тутууга ороскуот 568, 1 мөл. солк. тэҥнэһэр.
Уопсайынан ыллахха, ОДьКХ салаатыгар ороскуот быйылгы сылга бигэргэтиллибит былааны кытта тэҥнээтэххэ, үчүгэй өрүттээх хамсааһын көстөр. Ити, бастакытынан, муниципальнай бырагыраама ороскуоттарын, баай-дуол уонна сир кэлимин сайдыытын, «Жилкомсервис» уонна «Якутдорстрой» АУо анал тиэхиньикэлэри атыылаһыыга лизинговай төлөбүрдэри кытта сибээстээх. Барыта 119 устуука тиэхиньикэ атыылаһыллара былааннанар. 
2021 сылы кытта тэҥнээтэххэ 2022 сылга бүддьүөт икки ардыларынааҕы трансферт кээмэйэ 320 мөл. солк., сууманан үрдээбит, ол иһигэр тиэргэн территорияларын өрөмүөннээһиҥҥэ. 
«Обеспечение функционирования и развитие жилищно-коммунального хозяйства городского округа г. Якутск на 2020-2024 годы» муниципальнай бырагыраама тэрээһиннэрин олоххо киириитигэр ороскуот кээмэйэ 2021 сылы кытта тэҥнээтэххэ 52 мөл. солк. улааппыт, ол иһигэр мас дьиэ пуондатын көрүүгэ-харайыыга.  Элбэх кыбартыыралаах хаарбах туруктаах дьиэлэри чөлүгэр түһэрэр үлэҕэ  14,6 мөл. солк. ороскуот көрүллүбүт. Тупсарыы эбийиэктэрин ороскуота 22 мөл. солк. үрдээбит. 
Ити курдук, кыбаартал иһинээҕи тупсарыы үлэтин, суолу көрүүнү-харайыыны, сылаас тохтобуллары оҥорууну учуоттаан, ороскуот уопсай кээмэйэ 2022 сылга 2,1 млрд. солк. тэҥнэспит, бигэргэтиллибит былаантан 501 мөл. солк. үрдэтиллэн. 
Ольга Максимова информациятын истэн баран, хамыыһыйа сыл устата олох-дьаһах хомунаалынай хаһаайыстыбатын үлэтин хааччыйыыга уонна сайыннарыыга муниципальнай бырагырааматын суолу көрүү-харайыы өрөмүөннээһин чааһыгар үбүлээһини үрдэтэр кыаҕы көрөллөрүгэр сүбэлээтэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...