Олох бары түгэннэригэр

Олоҕу хаачыстыбалаахтык олорор туһуттан сылы эргиччи үөрэнэр, үлэлиир эбэтэр пиэнсийэҕэ тахсан көҥүл олоҕу кэтэһэр наадата суох эбит. Сороҕор 10-ча  мүнүүтэтэ даҕаны олохпут суолтатыгар сабыдыаллыыр кыахтаах.

Киэҥ эйгэҕэ саҥара-иҥэрэ, кэпсии таҕыстаххытына, куруук уулаах буолуҥ. Тылгытын умуннаххытына, ыстакааннаах уугутуттан иһиҥ. Оччоҕуна ким даҕаны умнан кэбиспиккитин билиэ суоҕа, оттон эһиэхэ өссө аҕыйах бириэмэ умнубуту өйдүүргэ бэриллиэ.

Маҕаһыыҥҥа атыыһыт-консультаннар тиийбэт тирии, таппат тараһа буолааччылар. Саала биир муннугуттан биир муннугар хаамтаххына биирдэ консультаны булаҕын. Оннук балаһыанньа үөскээбэтин туһугар, саамай күндү, сыаналаах (телевизор, мал-сал, таҥас-сап) иннигэр тиийэн, турунан кэбиһиҥ. Оччоҕуна аччаабыта биир консультант сүүрэн кэлиэҕэ.

Маҕаһыыннарга саамай чэпчэки сыаналаах табаар саамай намыһах долбуурга сытар. Ону өйдөөҥ!

Телевизор пультун кыһыл лаампата умайбат буоллаҕына,  төлөпүөн камератын нөҥүө үлэлиирин суоҕун быһаарыахха сөп.

Өскөтүн төлөпүөҥҥүтүн олус түргэнник иитиэххитин баҕарар буоллаххытына, «авиарежим” эрэсиимҥэ туруоруҥ.