Олоҕун науканы кытта ситимнээн

Сэтинньи 22 күнүгэр СӨ Наукаларын академиятыгар бэрэсидьиэн быыбара буолан ааста. Элбэх куолаһы ылан, бу дуоһунаска Леонид Владимиров талылынна.

Леонид Николаевич 1959 сыллаахха от ыйын 9 күнүгэр Тулагы Киллэм нэһилиэгэр күн сирин көрбүтэ. 1977 сыллаахха Үөһээ Бүлүү орто оскуолатын бүтэрбитэ. 1985 сыллаахха СГУ тыа хаһаайыстыбатын факультетын туйгуннук бүтэрбитэ. 1986 с. аспирантураҕа туттарсан киириэҕиттэн олоҕун науканы кытта ситимнээбитэ. Научнай сотрудниктан саҕалаан, араас дуоһунастарга үлэлээн, үүммүтэ, үрдээбитэ. Биологическай наукалар доктора, профессор, Арассыыйа Наукаларын академиятын чилиэн-кэрэспэдьиэнэ, 2020 сылтан СӨ Наукаларын академиятын академига.  Быйыл от ыйын 22 күнүттэн Ил Дархан ыйааҕынан СӨ Наукаларын академиятын Бэрэсидьиэнин эбээһинэһин толорооччунан анаммыта.

Бүгүҥҥү туругунан Саха сиригэр 1872 учуонай баар, онтон 378 – наука доктора, 1494 – наука кандидата.