09.02.2022 | 17:30

Олоҥхо олимпиадата — куйаар ситиминэн

Олоҥхо олимпиадата — куйаар ситиминэн
Ааптар: Киин Куорат

Олунньу 12 күнүгэр «Айыы Кыһата» национальнай гимназия, С.Н. Донской-II аатынан Үөрэҕи сайыннарар уонна идэни үрдэтэр институт саха уонна нуучча  тылларын кафедрата, Дьокуускай куорат үөрэххэ управлениета, куораттааҕы саха тылын уонна учууталларын методическай холбоһуга үөрэнээччилэргэ аналлаах  олоҥхо  куораттааҕы олимпиадатын  тэрийэллэр.

Манна куорат оскуолаларын оҕолоро (5-10 кылаастар) кытталлар. Төрөөбүт тыл декадатыгар  «Тыыннаах тыл» бырайыак чэрчитинэн ыытыллар тэрээһин куйаар ситиминэн буолуоҕа.

Олоҥхо олимпиадата 3 түһүмэхтээх, олоҥхо  тиэмэтигэр, тылыгар сыһыаннаах сорудахтардаах, ыйытыктардаах. Бастакы түһүмэх – олоҥхо ис хоһоонунан тургутук. Иккис түһүмэх – бэйэ суруйуута. Үһүс түһүмэх – бэриллибит тыллары быһаарыы. Кыттааччылар сорудахтары 120 мүнүүтэ устата толороллор.

“Балаһыанньа быһыытынан хас биирдии оскуолаттан элбээбитэ 12 үөрэнээччи кыттара ирдэнэр”, – диэн тэрийэр хамыыһыйа тоһоҕолоон бэлиэтиир. Холобур, 5 кылаастан 2 оҕо, 6 кылаастан – 2 оҕо.

Уопсай түмүк  Үөрэҕи  сайыннарар уонна идэни үрдэтэр институт уонна үөрэх управлениетын сайтыгар тахсыаҕа.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.