17.11.2021 | 14:30

Окружной шоссе суола арылынна

Окружной шоссе суола арылынна
Ааптар: Киин Куорат
Бөлөххө киир

Бүгүн, сэтинньи 17 күнүгэр, Ил Дархан Айсен Николаев уонна Дьокуускай куорат баһылыга Евгений Григорьев, суруналыыстар кыттыылаах киин куорат окружной шоссетын суолун хапытаалынай өрөмүөн кэннэ үөрүүлээхтик арыйдылар. 
“Үгүс сыллар тухары биһиги Окружной шоссе суола кэҥиирин, тупсарын күүттүбүт. Саҥа оҥоһуллубут эбийиэк тустаах ирдэбилгэ барытыгар эппиэттиир. Инфраструктура, таһым өттүнэн сүрдээх хаачыстыбалаах суоллартан биир бастакы буолар”, - диэтэ Айсен Николаев.
Ил Дархан тупсаҕай уонна хаачыстыбалаах суолу оҥоруу – өрөспүүбүлүкэ биир сүрүн тосхоло буоларын бэлиэтээтэ. “Бу хайысхаҕа үлэ салгыы барыаҕа. Окружной шоссе үлэҕэ киириэҕиттэн, куораппыт киин уулуссаларынан улахан кыамталаах массыыналар айанныыллара намтыа, кыһалҕа да аччыа. Биллэн турар, куораппыт суолларын ноҕоруускалара биллэрдик аччыыра күүтүллэр», - диэн тоһоҕолоон бэлиэтээтэ өрөспүүбүлүкэ баһылыга Айсен Николаев.


Дьокуускай куорат мэрэ Евгения Григорьев этэринэн, 4,2 км уһуннаах суол түөрт ыллыктаммыт, айан суолун кэтитэ 16,7- тэн 23,51 м. тиийэ. Суол оҥоһуутун кытта тэҥҥэ тротуардары уонна билисипиэт айан суолун тэҥҥэ оҥорбуттар.
Евгений Григорьев суруналыыстары кытта көрсүһүү кэмигэр Жорницкай уулуссатыттан Бүлүүлүүр суолга диэри саҥа асфальтобетон бүрүөһүнэ ууруллубутун, бөҕөргөппүттэрин, велодорожкалар оҥоһуллубуттарын чуолкайдаата. “Суол хаачыстыбалаахтык оҥоһуллубут. Билигин быйылгы кыстыгы хайдах ааһарын кэтээн көрүөхпүт. Итэҕэстэр баар буоллахтарына, мэктиэлээх эбэһээтэлистибэлэри толоруу чэрчитинэн туоратыллыахтара”, - диэн бэлиэтээтэ Дьокуускай куорат баһылыга Евгений Григорьев.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.