ОДьКХ Министиэристибэтэ дистанционнай төлөбүрү сүбэлиир

ОДьКХ уонна энергетика Министиэристибэтэ олох-дьаһах хомунаалынай өҥөлөрүн дистанционнай  сервистэр нөҥүө төлүүргэ сүбэлиир. Бу туһунан ОДьКХ уонна энергетика Министиэристибэтин пресс-сулууспата иһитиннэрдэ. 
Коронавируснай инфекцияны тарҕаппат сыаллаах Дьокуускай куоракка баар сүрүн ресурсанан хааччыйар тэрилтэлэр төлөбүрү ылар пууннара быстах кэмҥэ үлэлэрин тохтоттулар (Якутскэнергосбыт, Водоканал, Теплоэнергия, СӨ хапытаалынай өрөмүөн Пуондата, ЯКУТСКЭКОСЕТИ). 
Олох-дьаһах хомунаалынай өҥөлөрүн дистанционнай  сервистэр нөҥүө дьиэттэн тахсыбакка, уочарата суох түргэнник төлүөххэ сөп:
1) СӨ судаарыстыбаннай уонна муниципальнай өҥөлөрүн регионнааҕы порталыгар: https://e-yakutia.ru/#/ 
2) ГИС ОДьКХ: https://dom.gosuslugi.ru/#!/main 
3) Ресурсанан хааччыйар тэрилтэлэр уонна ТКО, СӨ хапытаалынай өрөмүөн Пуондатын саайтарыгар тус кэбиниэттэргэ:
4) ЯПК «Платежи» төлөбүрүн кэбиниэтигэр: http://platezhi-online.ru/ 
5) Арассыыйа Почтатын саайтыгар: finance.pochta.ru; 
6) «Квартплата +» мобильнай сыһыарыы нөҥүө (Google Play уонна App Store хачайдыахха сөп); 
7) Бааҥҥыт мобильнай сыһыарыытын нөҥүө (Сбербанк Онлайн, ВТБ, АЭБ уо. д.а.).
Сирэй счету хайдах билэбит?
Сирэй счету ОДьКХ сайдыытын Киинин саайтыгар билиэххэ сөп: https://centerjkh.ru/gkh-digitalization/customer-information/ «Узнать свой лицевой счет» сыһыарыы. Итиннэ олорор нэһилиэнньэлээх пууну уонна аадырыһы ыйан туран форманы толоруллар. 
Сирэй счету Сбербанк.Онлайн мобильнай сыһыарыыттан эмиэ билиэххэ сөп. Ону билэргэ «Платежи» — «Дом» — «Найти счета по адресу» салааҕа киирэбит. Итиннэ баар формаҕа аадырыспытын, өҥөнү оҥорор тэрилтэ аатын суруйабыт, оччоҕо сирэй счет нүөмэрэ тахсар. 
«Узнать свой лицевой счет» диэн сервис бары ресурсанан хааччыйар тэрилтэлэр саайтарыгар уонна тус кэбиниэттэргэ баар. Ол курдук, итинник сервистэр «ОДьКХ» ГУП, «Водоканал» АУо, «Теплоэнергия» АУо уо.д.а. саайтарыгар бааллар.
Энергоресурсалар иһин төлүүргэ сирэй счету билэргэ «Якутскэнерго» ПАУо www.yakutskenergo.ru уонна «ДЭК» ПАУо https://www.dvec.ru/yakutiya/ саайтарга көрүөххэ сөп.
Учуоттуур тэриллэр көрдөрүүлэрин хайдах тиэрдэбит?
Онлайн-сервистэр нөҥүө учуоттуур тэриллэр көрдөрүүлэрин кытта тиэрдиэххэ сөп. 
Учуоттуур тэриллэр көрдөрүүлэрин тиксэрэргэ тус кэбиниэттэргэ https://e-yakutia.ru/ уонна ГИС ОДьКХ https://dom.gosuslugi.ru  порталларга регистрацияланабыт.
Учуоттуур тэриллэр көрдөрүүлэрин тиксэрэр болдьох – хас биирдии ый 20-25 чыыһылалара. 
«Водоканал» АУо учуоттуур тэриллэрин көрдөрүүлэрин Whatsapp-бот нөҥүө +7 984 100 1974 нүөмэргэ ыытыахха сөп.