Оҕуруот аһынан эмтэнии

Хахтары буспут хортуоппуй уутун иһэ сырыттахха, сүһүөх ыарыыта мүлүрүйэр, тостубут уҥуох силимнэһиитэ түргэтиир.

Петрушканы аска мэлдьи тутуннахха, тиис маҥхайар.

Моркуоп сүмэтин сарсыарда аччык искэ истэххэ, хойуу хаайтарыыта төлөрүйэр.

Сүбүөкүлэни хааһы курдук оҥорон ириҥэрбит бааска сыбаатахха, түргэнник оһор.

Уулаах отон сүмэһинин тэҥ өлүүнэн мүөттээн истэххэ, сил хоҥнор.

Тымныйдахха, чочунаах 6-7 өлүүтүн илдьиритэн, ыстакаан үүккэ оргутан, күҥҥэ хаста да иһэ сылдьыллар.

Тумуулаатахха, сибиэһэй сүбүөкүлэ симэһинин муннуга икки-үс хааппыланан кутуллар.

0,5 бытыылкаҕа 300 г чочунааҕы, үрдүн сабар гына испиири кутан, үс нэдиэлэ көөнньөрүллэр. Итиэннэ сүүрбэлии хааппыланан ыстакаан аҥаара үүккэ булкуйан иһиллэр. Бу киһи доруобуйатын бөҕөргөтөргө, умнуган буолууну утары туһалыыр.