Оһуокай күрэҕэр 3 кыайыылаах быһаарыллыаҕа

Бэс ыйын 26 күнүнгэр 4-с нүөмэрдээх “Оһуокай” түһүлгэтигэр Туймаада Ыһыаҕын биир ураты көстүүлээх тэрээһинэ – оһуохайдьыттар күрэстэрин финала буолуоҕа.
Быйыл үбүлүөйдээх ыһыахха 3 бастыҥ оһуокайдьыты талыахтара. Кыайыылаахтахтарга “Бастыҥ этээччи” (Гран-при) аат уонна  «Саха Сирин Дархан этээччитэ» ытык аат иҥэриллиэҕэ. Номинациялар кыайыылаахтара сыаналаах бириистэринэн наҕараадаланыахтара.

Күрэх бастакы түһүмэҕэр ким баҕалаах барыта кыттыан сөп. Бэс ыйын 25 күнүгэр баҕалаахтартан сүүмэрдиир хамыыһыйа финалистары талыаҕа. 
Иккис түһүмэх бэс ыйын 26 күнүгэр 10.00 чаастан 15.00 чааска диэри буолуоҕа. 
Куонкуруска кыттар усунуос – 500 солк. 
Кытааччылар эрдэттэн сайаапка толороллор: https://forms.gle/px9PjxqJMHeWpXFU8 толору ааттарын-суолларын, пааспардарын дааннайын, пропискаларын, ИНН уонна төлөпүөн нүөмэрин ыйаллар. 

Дьүүллүүр сүбэ кыттааччы маастарыстыбатын, оһуокай тылын-өһүн, ис хоһоонун, таҥаһын-сабын, толорор ньыматын сыаналыыр. Оһуокай төрүт үгэстэрин тутуһар болҕомтоҕо ылыллар. 

Оһуокай күрэҕин туһунан сиһилии уонна Ыһыах атын күөн күрэстэрин балаһыанньаларын cultura14.ru саайтка ааҕыҥ.
Ыһыахха көрсүөххэ диэри!