Оҕолордоох ыал дьиэ атыылаһалларыгар көмөнү хайдах ылалларый?

Төрөппүттэргэ бүддьүөттэн харчы ыларга көмөлөһөр хас да бырагыраама баар эбэтэр ипотеканан бырыһыаҥҥа көрүллэр.

7 %-ҥа диэри чэпчэтиилээх ипотека

Бу 2018 сылга диэри төрөөбүт оҕолордоох ыалга табыгастаах бырагыраама. Аҥаардас тутууга эбэтэр саҥа тутулла турар таас дьиэҕэ көрүллэр. 

Бастакы усунуос — 15 %. Кирэдьиит муҥутуур суумата – 6 мөл.солк. эбэтэр 12 мөл.солк. Лимит чэпчэтиилээх уонна ырыынак ставкаларын дьүөрэлээһин суотугар улаатыан сөп.

6 %-ҥа диэри дьиэ кэргэн ипотеката

Бу 2018 сылтан оҕоломмут ыалга барсар. Өскөтүн, оҕо инбэлиит буоллаҕына, төрөөбүт сыла улахан суолтата суох. Уһук Илиҥҥэ — оҕо 2019 сылтан саҕалаан төрөөбүт буоллаҕына, тыа сиригэр иккис ырыынак дьиэлэрин атыылаһыахха сөп.

Бастакы усунуос — 15 %.  Кирэдьиит муҥутуур суумата – 6 мөл. эбэтэр 12 мөл. солк. Кэлин бу бырагырааманан рефинансирование оҥорторуохха сөп.

IT ипотека – 5 %-ҥа диэри

Аккредитацияламмыт хампаанньалар үлэһиттэригэр хамнас 150 000 солк. кыра буолуо суохтаах. Кирэдьиити саҥа дьиэни атыылаһарга эбэтэр дьиэ тутуутугар ылыахха сөп.

Бастакы усунуос — 15 %.  Муҥутуур суумата – 9 мөл. эбэтэр 18 мөл. солк. тиийэ улаатыан сөп. IT хампаанньа үлэһитэ бу бырагырааманан биирдэ эрэ туһанар кыахтаах.

Ийэ хапытаала

Бастакы оҕо төрөөтөҕүнэ 2020 сылтан, иккис уонна кэнники оҕолорго — 2007 сылтан. Ипотеканан бастакы усунуос быһыытынан туһаныахха сөп, иэс төлүүргэ, бырыһыан эбэтэр олорор дьиэни кирэдьиитэ суох атыылаһарга туһанар кыах баар. Маны сэргэ чааһынай дьиэни тутууга уонна саҥардыыга.

Ийэ хапытаалын 2022 с. кээмэйинэн – 639 144,10 солк.

Элбэх оҕолоох ыаллар ипотекаларын төлүүллэригэр

2019 сылтан үһүс эбэтэр кэнэҕэски оҕо төрөөтөҕүнэ бу бырагыраама үлэлиир кыахтаах. Сүрүннээн иэс төлүүргэ уонна олорор дьиэни атыылаһарга эбэтэр дьиэ туттарга уонна кирэдьиит бырыһыанын төлүүргэ көрүллэр.

Суумата – 450 000 солк. диэри. Эбии ийэ хапытаалыгар уонна чэпчэтиилээх ставкаҕа туһаныахха сөп.