21.07.2022 | 16:49

Оҕолор туруммуттара - хайҕаллаах суол

Бу күннэргэ Хатаспыт аҥаара туттан олорор уубутун-хаарбытын хааччыйар даамбабыт тулатын ыраастааһыҥҥа субуотунньук тэрилиннэ.
Оҕолор туруммуттара - хайҕаллаах суол
Ааптар: Наталья РУФОВА
Бөлөххө киир

Субуотунньукка Алексей Осипов салайааччылаах “Агрогородок” уонна Александра Ефимова салайааччылаах “Малгин” түөлбэлэр олохтоохторо таҕыстылар.  Хомуллубут бөх баһыйар үгүс өттө пластиковай бытыылка, салапаан арааһа, а.э. биһиги, олохтоохтор, бэйэбит бырахпыт, “умнубут” бөхпүт буоллаҕа. Субуотунньукка дьиэ кэргэнинэн кыттыбыт Арылхан, Александр Терентьевтарга, Екатерина, Леня Реевтэргэ, Александра, София Ивановаларга,  Екатерина, Айаан Козловтарга, Ивановтарга, Николай, Дьулуур Индеевтэргэ уонна биирдиилээн кэлбит оскуолабыт 7-с кылааһын үөрэнээччилэригэр Эрэл Игнатьевка, Алгыс Поповка, Малгин олохтооҕо Александр Федоровка нэһилиэк олохтоохторун аатыттан махталбытын тиэрдэбит. Баара-суоҕа сэттэлээх Арылхан Терентьев кырабын диэбэт, сүрдээх сэргэх, кэпсэтинньэҥ, эйэҕэс - сайаҕас киһи. Атын да оҕолорбут бары талбыт курдук үлэһит, көхтөөх дьоһун дьон. Буолумуна, бары даҕаны үөрэхтэрин таһынан эбии музыкальнай, спортивнай оскуолаларга үөрэнэр, дьарыктанар турбут-олорбут ыччаттар.


Бу субуотунньук үүнэн эрэр ыччаппытыгар ыраастаныы эрэ үлэтэ буолбакка, иитэр-үөрэтэр суолтата сүҥкэн. Оҕолорбут барахсаттар ийэни,аҕаны кытта  сылдьан үтүө дьыаланы оҥорбуттарыттан  үөрбүттэрин, киэн туттубуттарын харахтарын уота туоһулуур. Өйдөөн көрдөххө, аны үксүлэрэ сахалыы ааттаахтар эбит. Сахалыы ааттаныы саха оҕото эйэҕэс-сайаҕас, үтүө санаалаах, эппиэтинэстээх, ийэҕэ, аҕаҕа, айылҕаҕа чугас буола улаатарыгар бигэ акылаат эбит диэн санаа уота саҕыллар. Бу оҕолор тулалыыр эйгэбит ыраас, чэбэр буолуута сүүс бырыһыан бэйэбититтэн тутулуктааҕын бигэ өйдөөбүттэригэр, аһаан-таҥнан олорор айылҕабытын харыстыыр наадатын өйдөөбүттэригэр саарбах суох.

Хомуллубут бөҕү С.С. Пимонов “Бета” ХЭХ массыынатынан баҕа өттүнэн кэлэн тиэйэн эмиэ оҕолорго үтүө холобуру көрдөрдө.

Кыыһа буспут сир аһын хомуйан, сирилийэ-бурулуйа үүммүт оҕуруот аһын сибиэһэйдии сиэн, астына-дуоһуйа сөтүөлээн, ким хайдах кыанарынан, табылларынан айылҕалыын алтыһабыт. Ол махталбыт бэлиэтин сыыһы-буору хомунарбыт ытык эбээһинэспит этэ буоллаҕа...

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.