Оҕолор тэрээһиннэрин хааччаҕа уһатылынна

РФ Роспотребнадзорун салайааччыта Анна Попова оҕолорго анаммыт тэрээһиннэр хааччахтарын 2022 сыл тохсунньу 1 күнүгэр диэри уһатта. Хааччахтааһыҥҥа оскуолалар, оҕо уһуйааннара уонна ыччат тэрилтэлэрэ киирдилэр. Бу туһунан быраап информациятын портаалыгар бэчээттэннэ. 
Ити болдьоххо диэри улахан тэрээһиннэр ыытыллыбаттар. Хааччаҕынан үөһээ этиллибит тэрилтэлэри сэргэ аэропортар, атыы эргиэн кииннэрэ, тимир суол вокзаллара хабылыннылар. Ханна эрэ айаннаан иһэн оҕо, ыччат мустан тэрээһин ыытара көҥүллэммэт.
Кэккэ көҥүл орто анал, үрдүк уонна эбии үөрэх тэрилтэлэригэр бэрилиннэ. Оскуоларга уруоктары үөрэнээччилэр бэйэ-бэйэлэрин кытта алтыһалларын аҕыйатар курдук аттаран туруоруллуохтаах.  
Оҕо уһуйааннарыгар кэмиттэн кэмигэр дьиэлэрин-уоттарын салгылатар, күн аайы оонньуурдары дезинфекциялыыр ирдэнэр. Оҕолор уонна үлэһиттэр температураларын кээмэйдиэхтээхтэр уонна бөлөхтөрү тус-туһунан тутуохтаахтар.