01.06.2021 | 10:59

Оҕолор талбыт куруһуоктарыгар босхо дьарыктаныахтара

Дьокуускай куораттааҕы Техническэй айымньы киинин педагогтара бэс ыйын 1 күнүттэн оҕо сайыҥҥы дьарыктарын саҕалаатылар.
Оҕолор талбыт куруһуоктарыгар босхо дьарыктаныахтара
Ааптар: Киин Куорат
Бөлөххө киир

Дириэктэри иитэр-үөрэтэр үлэҕэ солбуйааччы Елена Егоровна Алексеева эбии үөрэхтээһин тэрилтэтэ бу сезоҥҥа хайдах үлэлиирин, туох былааннааҕын “Киин куорат” хаһыат ааҕааччыларыгар сиһилии кэпсээтэ.

“Хомойуох иһин, быйыл Дьокуускай куоракка эпидемиологическай быһыы-майгы мөлтөөбүтүнэн сибээстээн, былырыыҥҥы курдук дистанционнай ньыманан үөрэтэр буоллубут”, – диэтэ кини.

Оҕо сайыҥҥы куруhуоктара 10 хонуктаахтар, кылгас модульнай куурустар буолаллар уонна  икки симиэнэнэн үлэлииллэр. Бастакы симиэнэ болдьоҕо – бэс ыйын 1 күнүттэн бэс ыйын 11 күнүгэр диэри, иккис симиэнэ –  бэс ыйын 14 күнүттэн бэс ыйын 24 күнүгэр диэри.

Куруhуоктар бары ZOOM, DISCORD курдук платформаларга ыытыллаллар. Манна өрөспүүбүлүкэ оҕото барыта үөрэнэр кыахтаах.

Елена Егоровна ханнык бырагыраамалар, куруһуоктар баалларын кылгастык билиһиннэрэригэр көрдөстүбүт.

«Дьикти квадрат» – манна оҕолор оригами диэн японскай тиэхиньикэнэн кумааҕынан араас интэриэһинэй оҥоһуктары оҥороллор. Үөрэнээччи  айар-тутар кыаҕа арыллар.

«Веселое оригами» – алын сүһүөх кылаас оҕолоро «оригами» тиэхиньикэнэн  кумааҕынан араас хамсыыр оонньуурдары оҥоро үөрэнэллэр.

«Легоконструирование» – архитектор, инженер идэлэрин сэргиир оҕолорго олус туһалаах куруһуок. Оҕолор лего деталларыттан араас тиэхиньикэни айан оҥороллор.

«Алыптаах пластилин»  куруһуокка пластилинынан араас тиэхиньикэнэн хартыына, оҥоһук оҥорорго уһуйуллаллар.

«Числовая мозаика», «Логикум», «Математика для жизни», «Тригонометрия», «Решение нестандартных задач по математике»  – бу куруһуоктарга оҕолор  садаачалары суоттуур, анализтыыр, дакаастыыр дьоҕурдарын сайыннараллар, билиилэрин чиҥэтэллэр.

«Hand-made club» куруһуок оҕо сайыҥҥы сынньалаҥын туһалаахтык, интэриэһинэйдик атаарарыгар ананар. Оҕолор кумааҕынан, хортуонунан уран оҥоһуктары айан таһаараллар. Холобур, киэргэтиилэри, оонньуурдары уонна кыра бэлэхтэри.

«Оригаметрия» – манна кумааҕы лииһинэн геометрическай фигуралары оҥороллор. Оҕо фантазията уонна логиката сайдар.

«Изобретай, твори, выдумывай!» – олус умсугутуулаах бырагыраама. Күн аайы быһа эпииргэ маастар-кылаастар, өйү сытыылыыр викториналар уонна дьарыктар буолаллар.

«Экспериментариум» – дьиэ усулуобуйатыгар оҕолор научнай чинчийиилэри уонна эксперименнэри ыыталлар.

Ону таһынан Техническэй айымньы киинин педагогтара «Happy science» уонна  «IT-Mix» диэн сайыҥҥы виртуальнай  онлайн балаһааккалары үлэлэтиэхтэрэ.

Күндү оҕолор, талбыт куруһуоккутугар суруйтарыҥ, дьоҕургутун сайыннарыҥ, билиигитин хаҥатыҥ. Куруһуоктар бары босхо ыытыллаллар. Сайыҥҥытын туһалаахтык атаарыҥ, барыгытыгар умнуллубат сынньалаҥы баҕарабыт”, – диэтэ Елена Егоровна.

Инстаграмҥа @ctt_yakutsk аккауҥҥа суруйан ыйыталаһыҥ. Билсэр төл.: 8(914)275-53-41.

 

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.