Оҕолоохторго бэриллэр босуобуйалар

Оҕо төрөөтөҕүнэ биирдэ бэриллэр төлөбүр

– Икки төрөппүт иккиэн үлэтэ суох буоллахтарына эбэтэр күнүскү үөрэххэ үөрэнэр буоллахтарына;

– Оҕо 6 ыйын туола илигинэ сайабылыанньа бэриллибит буоллаҕына.

Кэргэнниилэр арахсыбыт түгэннэригэр, оҕо бииргэ олорор төрөппүтэ ылар.

Ирдэнэр докумуоннар:

– РФ гражданинын пааспара, дьиэ кэргэн сокуоннай саастарын сиппит дьонун барыларын докумуоннара;

– Оҕо төрөөбүтүн туһунан сибидиэтэлистибэтэ;

– Кэргэннии буолуу / Арахсыы туһунан туоһу сурук;

– Биир төрөппүт суох буолбут буоллаҕына, ону туоһулуур сибидиэтэлистибэ;

– Оҕо төрөөбүтүн туһунан ыспыраапка;

– Төрөппүттэртэн Үлэ киниискэтэ;

– Опекуннартан, приемнай дьиэ кэргэнтэн туоһулуур докумуон;

– Счет реквизиттэрэ.

Көрүллэр болдьоҕо: 10 күн.

0-16 саастаах оҕолорго ый аайы бэриллэр босуобуйа

Олох таһымын алын кээмэйигэр тиийбэт дохуоттаах дьиэ кэргэн оҕолоругар.

Оҕо 6 ыйын туола илигинэ сайабылыанньа суруллуохтаах. 6 инники ый перерасчеттаныан сөп. 1 сааһыттан биэрдэххитинэ, сайабылыанньа киирбит ыйыттан ааҕыллар.

Ирдэнэр докумуоннар:

– Дьиэ кэргэн дьонун барыларын докумуона;

– Оҕо төрөөбүтүн туһунан туоһу сурук, кэргэннии буолуу/арахсыы туоһу суруга, төрөппүт өлбүтүн туһунан туоһу сурук;

– 16-ларын ааспыт оҕолор үөрэнэллэрин туһунан ыспыраапка (үөрэх дьыла саҕаланаатын кытта сыл аайы бэриллиэхтээх);

– 12 ый дохуотун көрдөрөр докумуоннар;

– Дьиэ кэргэн сорох чилиэннэрэ дохуоттара суоҕун туоһулуур докумуоннар;

– Счет реквизиттэрэ.

Көрүллэр болдьоҕо: 10 күн.

Бастакы оҕо төрөөтөҕүнэ эдэр ыалга бэриллэр көмө харчы

Икки төрөппүт иккиэн 35-тэрин туола илик буоллахтарына.

Ирдэнэр докумуоннар:

– РФ гражданинын пааспара;

– Оҕо төрөөбүтүн туһунан туоһу сурук;

– Иитэ ылбыккыт туһунан суут быһаарыыта;

– Сберкиниискэ;

– Кэргэннии буолуу туоһу суруга.

Көрүллэр болдьоҕо: 10 күн.

1,5 сааһыгар диэри оҕону көрөн олорууга босуобуйа

Ийэҕэ эбэтэр аҕаҕа, оҕону көрөн олорор төрөппүккэ бэриллэр. Сайабылыанньа оҕо алта ыйын ааһа илигинэ бэриллиэхтээх.

Ирдэнэр докумуоннар:

– Дьиэ кэргэн дьонун барыларын докумуона;

– Оҕо төрөөбүтүн туһунан туоһу сурук, кэргэннии буолуу/арахсыы туоһу суруга, төрөппүт өлбүтүн туһунан туоһу сурук;

– 12 ый дохуотун көрдөрөр докумуоннар;

– Дьиэ кэргэн сорох чилиэннэрэ дохуоттара суоҕун туоһулуур докумуоннар;

– Опекуннар докумуоннара;

– Үлэ киниискэлэрэ;

– Урут ылбыт босуобуйаҕыт туһунан ыспыраапка;

– Аҕа босуобуйа ылбатын туһунан ыспыраапка;

– Устудьуоннартан үөрэхтэрин ыспыраапката;

– ИП докумуоннара;

– Счет реквизиттэрэ.

Көрүллэр болдьоҕо: 10 күн.

3-7 саастаах оҕолорго көрүллэр төлөбүр

Биир төрөппүккэ бэриллэр. Оҕо 8-һын туолуор диэри ылыан сөп. Дьиэ кэргэн намыһах дохуоттаах буоллаҕына.

Олох таһымын алын кээмэйигэр тиийбэт дохуоттаах ыалга 50, 75, 100 бырыһыан диэнинэн суоттанар. Сайаапка эрэ суруйуохха наада, атын докумуоннары тустаах уорганнартан ирдэһэллэр.

Көрүллэр болдьоҕо: 20 күн.

БОСУОБУЙА, КӨМӨ ХАРЧЫ БАРЫ КӨРҮҤНЭРИГЭР САЙАБЫЛЫАННЬАНЫ E-YAKUTIA.RU ПОРТАЛГА БИЭРИЭХХЭ СӨП.

Электроннай ньыманан киирбит сайаапкалар бастакы уочарат көрүллэллэр диэн Социальнай харыстабыл управлениетыгар чопчулаан бэлиэтииллэр.

Олох таһымын алын кээмэйэ

Биир киһиэхэ

18008 солк.

Үлэһиттэргэ

19 041 солк.

Биэнсийэлээхтэргэ

15 077 солк.

Оҕолорго

18 834 солк.

Биэнсийэҕэ социальнай эбиискэни суоттаан таһаарарга

15 077 солк.