05.10.2020 | 11:37

Оҕо уон төгүллээх аан дойду чемпионун кыайда

Оҕо уон төгүллээх аан дойду чемпионун кыайда
Ааптар: Киин Куорат

Билигин Москва уобалаһын Одинцовскай оройуонугар дуобакка улахан дьоҥҥо Арассыыйа чемпионата уонна эдэрдэргэ дойду үрдүнэн бастыыр иһин күрэхтэһии ыытылла турар. Бу улахан түһүлгэҕэ спорт маастарыгар кандидат Алексей Большаков бастакынан ордук чорбойон аатын ааттатта.

Алеша түргэн оонньууга тоҕус тууртан биэһигэр наар гроссмейстердары кытта кииристэ. Манна аан дойду 10 төгүллээх чемпиона Алексей Чижовы кыайбыта ордук биһирэбиллээх.

Онтон бэйэтин сааһыгар, 2004-2006 с.т. бөлөхтөрүгэр, (кини бэйэтэ 2006 с.т.) ол аата кыраларга, чаҕылҕанныы сыыдам оонньууга сүүс харахтаах дуобат түһүмэҕэр бастаата!

Кини биир сүрүн соруга – улахан дьоҥҥо маастар нуорматын толоруу.

Билиҥҥи туругунан биһиги дуобатчыттарбыт икки кыһыл көмүс: Алексей Большаков, Елена Кычкина, биир үрүҥ көмүс Сандаара Апросимова уонна биэс боруонса мэтээллээхтэр: Тунаара Федорова, Сандаара Апросимова, Николай Григорьев, Айаал Герасимов, Ксения Нахова. Чемпионат уонна күрэхтэһии  алтынньы 2 күнүгэр диэри салҕаныаҕа.

СӨ дуобакка федерациятын президенэ Владимир Ильич Птицын: “Билиҥҥитэ көрдөрүү куһаҕана суох. Дьон син биир классиканы ордук сыаналыыр.

Түргэн уонна чаҕылҕанныы оонньууларга биһиэннэрэ үгэс быһыытынан күүстээхтэр.  Оттон классикаҕа үчүгэйдик оонньуулларын долгуйа кэтэһэбит”, – диэн бэйэтин санаатын үллэһиннэ.  

Ити Москва уобалаһыгар Одинцово куоракка салҕанар дуобакка улахан дьоммут Арассыыйаҕа, аан дойдуга бастыҥнарын бигэргэтэргэ дьулуһаллар. Чаҕылҕанныы түргэн  оонньууга  Арассыыйа араас муннуктарыттан барыта 70 оонньооччу кииристэ.

Итиннэ түөрт төгүллээх аан дойду чемпиона, аан дойдутааҕы кылаастаах гроссмейстербыт  Николай Стручков дойду чемпионатын кыайыылааҕынан таҕыста. Кини 64 харахтаах дуобакка блицкэ туох да мөккүөрэ суох бастаата. Николай 15 очукуолаах, чугастааҕы утарсааччыларыттан уопуттаах аан дойду экс-чемпиона Мурадулло Амриллаевтан (Башкортостан) уонна эдэр москвиһы  Никита Славяновтан икки очукуонан чорбойдо.

Амматтан сылдьар   Андрей Федотов пьедесталга хаамыы аҥаарынан тиийбэтэ. Чемпионакка Саха сириттэн элбэх киһилээх бөлөх тиийбитэ. Кинилэр бары оонньуурга баҕалара, бэйэ-бэйэлэрин суохтаспыттара билиннэ.  Чемпионат уопсай бырагыраамата киэҥ. Хас да подпрограммалар бааллара, онно биһиги дьоммут үчүгэй формалаахтарын көрдөрдүлэр.

Саҥа ааттар күөрэйдилэр – хас да хонуктааҕыта социальнай ситимнэргэ Покровскайтан алтыс кылаас үөрэнээччитэ Айсен Егоров видеота тарҕаммыта. Онно биһиги уолбут уон төгүллээх аан дойду чемпиона Алексей Чижову (Ижевскэй), «тэҥнэһиигэ куотарга» күһэйиитин көрдөрбүттэрэ.  

Ону таһынан түргэн бырагыраамаҕа Стручков үрүҥ көмүһү ылла. Билигин 64 харахтаахха классическай бырагыраама салҕанар. Үс тур кэнниттэн аан дойду элбэх төгүллээх чемпиона Гаврил Колесов үс инники кэккэтигэр сылдьар.  Элбэх кыттааччыттан таблица Николай Стручков билиҥҥитэ сэттис,  Тааттаттан Николай Гуляев тохсус балаһыанньаҕа бааллар.

Улахан сүүс харахтаах дуобакка эр дьоммут сэмэй көрдөрүүлээхтэр. Ол оннугар дьахталларга Чурапчыттан Матрена Ноговицына инникилээн иһэр.  

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...