25.06.2024 | 16:42

Оҕо спорда бастакы миэстэҕэ турар

Оҕо спорда бастакы миэстэҕэ турар
Ааптар: Киин Куорат
Бөлөххө киир

Бэс ыйын 25 күнүгэр баһылык Евгений Григорьев «Азия оҕолоро» Оонньууларга кыттар өрөспүүбүлүкэ сүүмэрдэммит хамаандатын састаабыгар Дьокуускай куораттан киирбит спортсменнары кытта көрүстэ.
«Оҕолорго, тренердэригэр бастыҥ көрдөрүүнү уонна, биллэн турар, табыллыыны баҕардым. Бу күннэргэ кинилэр санныларыгар улахан эппиэтинэс сүктэриллэр – төрөөбүт өрөспүүбүлүкэлэрин уонна куораттарын чиэһин аан дойду таһымыгар көмүскүүллэр. Кинилэр хас биирдиилэрэ тыһыынчанан чаастаах дьарыктары, күүстээх эрчиллиилэри ааһан тураллар. Ити улахан үлэлэрэ, дьулуурдара ситиһиинэн эргийэн кэллин! Оттон биһиги кинилэргэ ыалдьыахпыт, өйүөхпүт!» – диэн суруйар бэйэтин телеграм-ханаалыгар Евгений Николаевич.
Бу нэдиэлэ саҥатыгар, бэс ыйын 24 күнүгэр, ГТРК телевидение ханаалын «Куораты кытта быһа эпиир» аһаҕас биэриитигэр Евгений Григорьев оҕо спорда Дьокуускай куоракка бастакы миэстэҕэ турарын тоһоҕолообута. Ол курдук, аныгы гаджет үйэтигэр оҕо эт-хаан өттүнэн сайдыылаах буоларыгар спорт уонна физическэй култуура эрэ көмөлөһөр кыахтаахтарын бэлиэтээбитэ. Онуоха «Азия оҕолоро» Оонньууларынан сибэстээн Дьокуускай куорат Оҕо спордун оскуолаларыгар хаһааҥҥытааҕар даҕаны элбэх үлэ ыытыллыбытын санаппыта. Чуолаан кылгас кэмҥэ Хатаска уонна Сайсары түөлбэтигэр сабыс-саҥа спорт комплекстара тутуллан үлэҕэ киирбиттэрин, сыл бүтүөр диэри Губин уулуссатыгар үһүс саҥа спорт саалата тутуллан бүтээри турарын иһитиннэрбитэ. Бу эбийиэк биир уратытынан дзюдо көрүҥүнэн дьарыктанааччылар анал спорт оскуолалара буолуоҕа. Маны сэргэ саҥа тутуллар «Звезднай», «Спортивнай», «Өлүөнэ очуостара» олорор кыбаарталларга барыларыгар спорт саалалара, «Звезднайга» каток баар буолуохтара. «Бу тугу биэрэр? Бастатан туран, соторутааҥҥа диэри Дьокуускай куорат Оҕо спорт оскуолаларыгар 5000 оҕо дьарыктанар буоллаҕына, Ильменскэй уулуссаҕа арыллыбыт «Чыпчаал» уонна Хатаска тутуллубут спорт саалаларын суотугар 7000 оҕо спордунан хабыллар буолла. Оттон саҥа түөлбэлэр спорт саалалара үлэлээтэҕинэ, номнуо 10 000 оҕо спорка сыстыаҕа»,– диэн баһылык быһааран биэрэр. 
Евгений Николаевич маны сэргэ Олохтоох дьаһалта быйылгыттан саҕалаан Оҕо спорт оскуолаларын барыларын өрөмүөннүүр былааннааҕын иһитиннэрбитэ. «Азия оҕолоро» Оонньууларга өрөспүүбүлүкэ сүүмэрдэммит хамаандатыгар Дьокуускай куораттан 199 оҕо киирбитин, спорт хас биирдии көрүҥэр биирдии-иккилии оҕо кыттарын, олортон 45 спорт оскуола иитиллээччилэрэ буолалларын тоһоҕолоон бэлиэтээбитэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...