Оҕо сайыҥҥы сынньалаҥын тэрийиигэ болҕомто ууруллар
![Оҕо сайыҥҥы сынньалаҥын тэрийиигэ болҕомто ууруллар](https://kiinkuorat.ru/wp-content/uploads/2024/05/ThQm8B2AU8.jpg)
Бу чэппиэргэ, ыам ыйын 30 күнүгэр, Дьокуускайга «Моя работа» офис сокуоннай саастарын ситэ илик оҕолорго аналлаах үгэс буолбут «Мое трудовое лето – 2024» дьаарбаҥканы ыытар.
Дьаарбаҥка Петр Алексеев уул., 19, 1 корп., «Моя работа» офиһыгар буолар.
Бэлиэтээн эттэххэ, Арассыыйаҕа биллэриллибит Дьиэ кэргэн уонна Саха Өрөспүүбүлүкэтигэр буола турар Оҕо саас сылларынан 14-тэн 18-гэр диэри саастаах оҕо сайыҥҥы сынньалаҥын туһалаахтык атаарарын тэрийэри көҕүлүүр сыалтан Саха Өрөспүүбүлүкэтин Нэһилиэнньэ дьарыктаах буолуутугар судаарыстыбаннай кэмитиэтэ үөрэх министиэристибэтин кытта муниципальнай тэриллиилэр ортолоругар «Трудовое лето» күрэҕи былаанныыллар.
Кыайыылаахтар үс бөлөҕүнэн «Сосновый бор» лааҕырга сынньанар путевканан наҕараадаланыахтара: промышленнай оройуоннар, арктическай уонна хоту оройуоннар уонна тыа хаһаайыстыбатынан дьарыктанар улуустар. Бастакы миэстэни ылбыттар 10 путевканан наҕараадаланыахтара, иккис – 8, үһүс – 5. Ол туһунан Саха Өрөспүүбүлүкэтин бырабыыталыстыбата быйыл муус устар 25 күнүгэр Оҕо аймах сылынан ылыммыт 492-р№-дээх дьаһалыгар этиллэр, диэн СӨ Нэһилиэнньэ дьарыктаах буолууга кэмитиэтэ иһитиннэрэн турар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)