Оҕо саас сылынан киирэр социальнай өйөбүллэр
![Оҕо саас сылынан киирэр социальнай өйөбүллэр](https://kiinkuorat.ru/wp-content/uploads/2024/01/CWavEv5cWA.jpg)
Ил Дархан Айсен Николаев СӨ Судаарыстыбаннай Мунньаҕар (Ил Түмэн) үгэс буолбут Анал туһулааһыныгар иһитиннэрбитин курдук, Саха Өрөспүүбүлүкэтигэр үүммүт 2024 сыл Оҕо саас сылынан биллэриллибитэ.
Ол курдук, Айсен Николаев «Саха» ГТРК ханаалыгар быһа эпииргэ ааспыт 2023 сыл түмүктэрин таһаарар этиитигэр Саха Өрөспүүбүлүкэтин дьиэ кэргэни өйүүр ураты дьаһалларын бэлиэтээн туран, кэлиҥҥи сылларга ийэ буолууну, дьиэ кэргэни уонна оҕо сааһы судаарыстыба өттүттэн өйүүр миэрэлэр кээмэйдэрэ сэттэ төгүл улаатан, 27 млрд солкуобайга тиийбитин тоһоҕолообута.
Оҕо саас сылынан биллэриллибит 2024 сылга туох уларыйыылар күүтүллэллэрий?
— Элбэх оҕолоох ыаллар үрдүкү кылааска үөрэнэр оҕолоругар орто анал үөрэх кыһатыгар үөрэнэр төлөбүрдэрин оһоруналларыгар 50 тыһ. солкуобай кээмэйдээх сертификаттар ананыахтара;
— 2024 сыл бэс ыйын 1 күнүттэн эрдэҕэс саастаах оҕо үлэлиирин өйүүр «Мин бастакы хамнаһым» / «Моя первая зарплата» социальнай хантараак хабааннаах бырагыраама үлэлиэҕэ;
— 7-тэн 13-гэр диэри саастаах оҕолор музейга, тыйаатырга, спорт секцияларыгар сылдьалларыгар Арассыыйатааҕы «Пушкин каартатыгар» майгынныыр «Саха сирин эдэр олохтооҕун каартата» үлэлиэҕэ;
— Оҕолорго аналлаах 20-тэн итэҕэһэ суох анал экскурсиялыыр уонна туристыыр маршруттар оҥоһуллуохтара;
— «Саха» НКИХ оҕоҕо аналлаах ханаал үлэлиэҕэ.
— Дьокуускайга сылы эргиччи үлэлиир «Полярная звезда» оҕо лааҕыра уонна Мииринэй куоракка Оҕо дыбарыаһа үлэҕэ киириэхтэрэ, тэйиччиттэн үөрэнэр технологиялары туттар үөрэх киинэ тэриллиэҕэ;
— Арассыыйа олимпиадаларын кыайыылаахтарыгар уонна призердарыгар 100-тэн 500 тыһ. солкуобайга тиийэ кээмэйдээх харчынан бириэмэйэлэр олохтонуохтара.
Маны таһынан, тохсунньу 1 күнүттэн оҕолоох ыаллары өйүүр социальнай төлөбүрдэр эмиэ үрдээтилэр:
— «Үйэ оҕолоро» хапытаал кээмэйэ – 110 775 солкуобай;
— «Дьиэ кэргэн» өрөспүүбүлүкэтээҕи хапытаал (үһүс уонна онтон салгыы оҕо төрөөтөҕүнэ) — 300 000 солкуобай;
— Бастакы оҕо төрөөтөҕүнэ көрүллэр төлөбүр – I зона – 55 694 солкуобай, II зона – 46 650 солкуобай;
— Эдэр ыал бастакы оҕотугар – 8 605 солкуобай;
— Ый аайы үһүс оҕоҕо көрүллэр төлөбүр – I зона – 27 847 солкуобай, II зона – 23 325 солкуобай;
— элбэх оҕолоох ыалга оскуолаҕа диэн көрүллэр төлөбүр – 4 302 солкуобай;
Төлөбүрдэр туһунан сиһилии эрийэн чопчулаһар нүөмэр: 8 800 100-00-01.
Ол туһунан СӨ Үлэҕэ уонна социальнай сайдыыга министиэристибэтин саайта иһитиннэрэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)