Оҕо эмсэҕэлээтэҕинэ, төрөппүт эппиэттиир

Сокуоннай саастарын ситэ илик оҕолору кытта үлэлиир инспектордар иһитиннэрбиттэринэн, бу сыл саҕаланыаҕыттан Дьокуускайга оҕо уокка буһуута 23-тэ бэлиэтэммит. Эмсэҕэлээбит оҕолор алта ыйдарыттан 17-лэригэр диэри саастаахтар.

Кыра оҕо үксэ дьиэтигэр уоттан эмсэҕэлиир. Манна оргуйбут ууга буһуу, итийбит малы тутан көрүү, электричество уотугар оҕустарыы, итии аска буһуу, розеткаҕа тимир малы угуу о.д.а. киирсэр.

СӨ ИДьМ “Дьокуускайдааҕы” МУ Сокуоннай саастарын ситэ илик оҕолору кытта үлэлиир инспектордара сүбэлииллэр:

Ас астыыр билиитэни оҕо тиийбэт сиригэр үөһээ ууруҥ;

Итии астаах иһити остуол кытыытыгар уурумаҥ;

Сылаас билиитэҕэ, батареяҕа оҕону чугаһаабат гына үөрэтиҥ;

Аһаҕас уоттан, кутааттан оҕолору тэйиччи тутуҥ;

Убаҕас уматыктары, испиискэ тымтыктарын, петардалары оҕоттон кистии сылдьыҥ;

Туттуллубат электроприбордары көстөр сиргэ хаалларымаҥ:

Розеткаттан харыстыыр ньымалары, блокиратордары туһаныҥ.